Atli Freyr Steinþórsson geipar

2009-07-14T23:12:00.003+02:00

Davíð Oddsson snýr aftur frá Elbu

Eða: „Le retour de Sa Majesté de l'île d'Elbe“.

2009-06-10T18:22:00.001+02:00

Og hann sagði

Jæja, góðir hálsar. Er kominn tími á renesans?

2009-02-15T02:43:00.002+01:00

Reaksjóner versus últrareaksjóner

Nú man ég eftir sögu úr hinu óendanlega skemmtilega riti Minningar úr menntaskóla, Vol. II.

Í Menntaskólanum í Reykjavík lifðu þéringar miklu lengur en í Menntaskólanum á Akureyri. Munurinn var hins vegar sá að í Menntaskólanum á Akureyri var sagt: „Eruð þér mættur?“ en í Menntaskólanum í Reykjavík var sagt: „Eruð þér mættir?“

Þetta heitir að vera með kústskaft í rassgatinu og er að öllu leyti virðingarvert og skemmtilegt.

En svo komu hipparnir og eyðilögðu þéringar á sjöunda áratugnum eins og margt annað í samfélaginu.

2009-02-13T16:49:00.001+01:00

Farið þér í

Ég er endanlega hættur að nenna að læra inn á félagslegu núansana í þessu blessaða þýska þéringakerfi.

Maður veit aldrei hvenær þéringar eiga við og hvenær ekki. Í líkamsræktinni þérar mann enginn (af því að það er svo hipp og kúl staður), en ef maður myndi hitta sama mann í bankanum tíu mínútum seinna myndi hann þéra mann (af því að það eru opinberar og alvarlegar kringumstæður).

Hvernig sker maður úr um það hvað eru alvarlegar kringumstæður og hvað eru ekki alvarlegar kringumstæður (sem mér skilst að skeri úr um það hvort þéringar eru viðeigandi eða ekki)? Af hverju er líkamsrækt minna opinber staður en banki?

Ég ætlaði að vera mjög sniðugur þegar ég sendi prófessornum mínum ímeil: Sehr geehrte Frau Dr. Lærdómstitill Heiðursgráða X. Hún svaraði með „Hallo“. Mjög, mjög óformlegt.

Ég taldi mig hafa lært sitthvað á þessu. Sendi þess vegna ímeil til lægra setts stjórnvalds í háskólanum og hóf hann óformlega á „Hallo“. Svarið hófst á þvílíkri þéringaromsu og var að öðru leyti í svo uppskrúfuðum kurteisisstíl að ég hef aldrei séð annað eins. Viðtakandinn var greinilega mjög utilfreds með virðingarskortinn sem honum hafði verið sýndur.

Jafnaldrar í skólanum eiga að þúast, ég hef ekki enn praktíska reynslu af því hvort ég ætti að þéra mér mjög eldri samstúdent. Ég býst við að til móðgana og misskilnings af þeim sökum komi bráðum.

Kennara ber að þéra, nema þá kennara sem eru svo nýmóðins að þeir þúa nemendur og ætlast til að vera þúaðir. Nema þeir hafa aldrei fyrir því að bjóða nemendum dús formlega, heldur ætlast til að þeir skynji það á undan.

Mín skoðun er þessi: Annaðhvort á að þéra alla alltaf, eða engan nokkurntíma. Ég er ekki með þetta höflígheðs-kerfi forritað í mig frá fæðingu eins og innfæddir og vil vera undanþeginn því. Nema þá þyrfti ég að ganga um með skilti á mér: „ÉG ÆTLA EKKI AÐ ÞÉRA ÞIG.“

2009-02-10T20:30:00.002+01:00

Oddson

Oddsson Oddson Oddsson Davíð Oddsson Oddsson Oddsson Odd Odd Odd Odd Odd Odd Odd Odd.

Davíð Oddsson Davíð Oddsson Davíð Oddsson Davíð Davíþ Ðavýþ Ðavýþ Davíð Ðavýþ.

Davíð Odsson Davíð Oddsson Davíð Oddsson Davíð Oddsson. Davíð.

Davíð Davíð Davíð Davíð Davíð Davíð Davíð Davíð Davíð Davíð Da víð Da Da Da Da Da Da Da víð víð víð víð víð Da. Víð. Da. Víð.

Davíð Davíð Davíð Davíð Davíð Davíð.

Da. Da. Da. Da. Da. Da. Víð. Víð. Víð. Víð.

Ahh, núna er nafnið hætt að merkja neitt. Það er alltaf gaman þegar maður nær þeim áfanga með orð. Davíð.

2009-02-04T15:11:00.001+01:00

Thegreatstateomissourah

In 1m 23s

Click here to Play

2009-01-19T01:28:00.002+01:00

Það er hægt! eða Yes we can!

Sigmundur Davíð Obama Gunnlaugsson!

Og pabbi hans sem var færður hingað í hlekkjum sem þræll frá Írlandi. Ótrúlegt að þetta skuli vera hægt.

Von. Breytingar. Yes we can.

2008-12-12T04:04:00.003+01:00

Klósettgæslukona, vilt þú sjá passann minn?

Ég keypti mér lestarmiða til Zürich í Sviss gagngert til að geta sýnt brúnaþungum schweizerdeutschkum landamæraverði vegabréfið mitt, en komst að því að nokkrum klukkustundum áður mun Sviss hafa gengið í Schengen og landamæraeftirlit í Evrópu hafa lagst af til eilífðarnóns.

Vegna þessa er ég ósáttur.

Sömuleiðis vegna þessara ógeðslegu stjörnuveitinga hér fyrir neðan, sem komið var fyrir að mér fornspurðum, væntanlega af illum bankamönnum sem nú vilja einnig gera netheima óbyggilega.

2008-10-29T17:20:00.005+01:00

Kong Christian paa sit Morgenridt

Það er allt frábært við þetta myndbrot. Allt frá mönnunum sem stíga af hjólinu og taka ofan, til kallsins með stúdentshúfuna við „Saftige pærer“-standinn. Kóngurinn meðal fólksins á tímum ótta og niðurlægingar. „Ég þurfti engan lífvörð, öll Kaupmannahöfn var lífvörður minn.“

Myndi óður skríll ráðast á dr. Ólaf Ragnar við sambærilegar aðstæður á götum Reykjavíkur?

2008-10-28T21:16:00.003+01:00

Sæt orð í eyru hins barða þræls alþjóðasamfélagsins

„Ertu frá Íslandi? Já, landinu sem á svona ógeðslega gott handboltalandslið? Frábært. Unnuð þið okkur ekki á Ólympíuleikunum? Vá.“

2008-10-26T02:10:00.003+01:00

Konkret og afstrakt hugleiðingar um eðli tímans

Rétt í þessu var ég að horfa á klukkuna í tölvunni minni verða 02:59 og síðan 02:00. Þessa atburðar hef ég beðið við skjáinn í þrjá klukkutíma, og viti menn, hann varð. Skýringar er að leita í gildisgöngu vetrartíma.

Hefur þessi klukkustund nú verið dæmd úr leik? Hafa atburðir hennar ekkert gildi fyrir rétti? Er merking þessa tíma neikvæð tala, eða núllmengi? Hékk ég ekki á internetinu undanfarna klukkustund? Stöðvaðist tíminn svo að geimverur gætu komið og rannsakað mig?

En konkret ályktanir sem af þessu má draga eru meðal annarra þær að nú er klukkan á Íslandi aðeins einum tíma á eftir mér, og klukkan hjá Helga í Argentínu er þremur tímum á eftir. Fyrir aðeins örfáum dögum var hún fimm tímum á eftir, en nú er vor í Argentínu og haust í Þýskalandi og svona veltist heimurinn Magnús minn.

Ég finn að ég þrái að tjá mig frekar um þetta mál. Ég ætla að rita bækling, eða pamflett, og dreifa honum meðal vegfarenda á torgum. Bæklingurinn mun heita: Konkret og afstrakt hugleiðingar um eðli tímans, eins og þegar hefur verið gefið í skyn í fyrirsögn.

Höfundur er þjóðfélagsfræðingur.

2008-10-23T23:09:00.002+02:00

Nýr maður

Ef einhvern skyldi langa til að senda mér hótunarbréf/aðdáendabréf eða finna mig í fjöru af öðrum ástæðum, þá er þetta heimilisfangið mitt:

Atli Freyr Steinthorsson
Heuberger-Tor-Weg 15, Zi. 1012
72076 Tübingen
DEUTSCHLAND

Símanúmerið mitt af sömu ástæðum og að ofan:

00 49 (0) 152 0302 1695

Þakka ykkur fyrir.

2008-10-23T12:56:00.002+02:00

Við eldhúsborðið eða Verbrannte Schafköpfe

„Mmmmmm, nammi namm. Hljómar vel. Við þyrftum eiginlega að halda matarboð þar sem allir elda þjóðarrétti að heiman. En, Atli, þú ert ekki búinn að segja neitt. Hvaða þjóðarrétti eigið þið?“

2008-10-22T01:30:00.003+02:00

2. september 1939

- „Góðan dag. Atli heiti ég og langar til að millifæra fé af bankareikningi mínum hjá ykkur á reikning í Deutsche Bank í Þýskalandi.“

- „Já, það tekur viku, minnst. Öll svona erindi fara í gegnum nefnd í Seðlabankanum sem metur hugsanlega þörf þína fyrir gjaldeyri.“

2008-10-20T23:37:00.006+02:00

Þessu tengt eða Novaya Islandiya

Viðskiptablaðamaður benti mér á þessa grein í virðulegasta dagblaði Noregs. Þar má lesa eftirfarandi um málefni Íslands: „I løpet av helgen har både Frp-leder Siv Jensen og Høyre-leder Erna Solberg uttalt at Norge må hjelpe nabolandet i øst.“

Nú má benda á að næsta eyja í austur frá Noregi er rússneska eylandið Novaya Zemlya. Það hefur verið notað sem test site fyrir rússneskar kjarnorkusprengjur í áranna rás.

Táknrænn misskilningur.

2008-10-20T20:30:00.002+02:00

Geir Haarde, hirðstjóri

AFS: Samþykkir þú fyrir þitt leyti og norsku þjóðarinnar að Ísland verði fylki í Noregi?

Norski skiptineminn: Já.

2008-10-16T01:08:00.002+02:00

Qualität

Sá maður hefur ekki lifað sem ekki hefur drukkið alpamjólk frá Weihenstephan. Guð minn góður hvað þetta er gott.

2008-10-12T19:06:00.003+02:00

Klapp á öxl

AFS: Landid mitt er gjaldthrota. Thid vorud nu svo vinsamleg ad lana okkur fjora milljarda evra. Takk fyrir.

Maria, fra Russlandi: Ekki horfa a mig, eg lanadi ykkur thetta ekki.

Irina, fra Russlandi: Thad var eg sem gaf ykkur thetta, eg aetladi bara ekki ad segja ther fra thvi.

2008-10-10T17:06:00.002+02:00

1. september 1939

Nu hef eg setid a netkaffihusi i fimm klukkutima og farid samviskusamlega yfir öll islensk dagblöd og frettatima ljosvakamidla undanfarna viku.

Eg er namsmadur i Thyskalandi og heimurinn er ad hrynja.

2008-10-10T12:51:00.004+02:00

Sehr geehrte Damen und Herren.

Thad er ekki gaman ad vera staddur i utlöndum, tho ekki nema i Thyskalandi, og hringja heim og thegar klinkid klarast heyrir madur: "Allir bankarnir eru farnir a hausinn, og Gordon Brown greip til adgerda gegn Islendingum med visun i hrydjuverkalög og thad er allt ad fara til an ..." *krrrrrrssssssssssssss bíb bíb bíb bíb*.

Og eftir stendur madur i tikallasima Deutsche Telekom fyrir framan husid thar sem Philipp Melanchton fattadi ad pafinn vaeri i raun sjalfumgladur faviti, og heldur ad eyjan manns se i sae sokkin.

HVAD ER AD GERAST?

Frelsisinneignin min er buin, eg er ekki kominn med thyskt numer, eg er ekki enn kominn med internet heima i herberginu minu, eg er ekki med sjonvarp. I Schwäbisches Tagblatt er ekki ad finna frettir af brennandi smarikjum, heldur einungis upplysingar um nyt i kum og lesendabref fra reidum professorum sem motmaela thvi harkalega ad Troja hafi i raun verid i Kilikiu.

En: Eg er med utvarp i simanum minum. Fyrsta fyrirsögn i fyrsta frettatimanum sem eg heyrdi var svona: "Island vor der Pleite - ein ganzes Land am Rande des Staatsbankrotts," eda: "Islendingar blankir - heilt land rambar a barmi gjaldthrots".

Eg for ad hitta fulla Thjodverja um daginn og nefndi land mitt. "Ach ja, das Land mit der Finanzkrise?" var svarid. Vidkomandi vissi ekki hver Björk var, hafdi aldrei heyrt um álfa. Nei. Finanzkrise. Thetta hefur vist verid i sjonvarpinu dag eftir dag.

Hversu hátt og hratt getur ein thjod fallid?

Eg held ad naesta aratuginn muni Passiusalmar Hallgrims Peturssonar seljast i bilförmum. I fyrsta sinn sidan a dögum pietisks retttrunadar a 17. öld munu Islendingar hafa raunverulega thörf fyrir ad hugleida syndir sinar og brot, refsingu vid theim og blódskuld og bölvan stranga (haha, nu er haegt ad kalla husnaedislan og erlend myntkörfulan a Islandi "blódskuldir", sko Hallgrim).

I fyrsta sinn sidan a 17. öld tharft thu ad idrast, thu thjod sem lest glepjast af vixlurum, og greida blódskuld thina.

Hedan er annars allt gott ad fretta.

2008-10-03T20:11:00.000+02:00

Þú

Komdu!

2008-10-02T18:42:00.002+02:00

Kveðjupartí

Annað kvöld klukkan 21 held ég kveðjupartí á efstu hæð Priksins. Óljóst er hvenær því lýkur, ef nokkurn tíma. Ástæða partísins er brottför mín til Þýskalands. Þér, vinur góður, er boðið.

2008-09-26T19:20:00.009+02:00

Burt, burt, þú dýra orð!

Ágætu lesendur. Innan skamms stíg ég um borð í hljóðfráa þotu Iceland Express sem ber mig til Kaupmannahafnar, og þaðan ber mig hljóðfrárri þota Lufthansa (ísl. Loft-Hansasambandsins) til Stuttgart í Sambandslýðveldinu Þýskalandi. Þaðan mun ég svo fara með rútu, eða velta mér nakinn í dögginni, til háskólasmáborgarinnar Tübingen, sem hefur verið byggð germönskum þjóðflokkum, mestmegnis Alemönnum, frá því á 6. öld.

Þá liggur undir fótum mínum rómverska skattlandið Germania Superior, en í norðaustri liggur hin ótamda Germania Magna (þar sem fólk talar germönsk mál, drekkur bjór og trúir á Lúther), en í suðri og vestri Imperium Romanum (þar sem fólk talar rómönsk mál, drekkur rauðvín og er dónalegt við ferðamenn).

Þarna á bjór-rauðvíns-línunni við Svartaskóg, á limes Germanicus, milli SPQR og barbaríisins, mun ég búa í eitt ár við nám og störf.

Ég hef sagt upp störfum við Statsradíófóníuna, og mun því í vetur hvorki vekja athygli ykkar né annarra á því að nú sé unnt að festa kaup á smjöri með tuttugu og fimm prósentustiga afslætti, fá sér spray-tan með áður óþekktum hætti, eða að jólin séu komin. Fyrrverandi starfsmönnum stofnunarinnar er að sama skapi bent á að snúa sér annað til að tjá geðveilur sínar, til að mynda til bráðamóttöku geðdeildar Landspítalans, í síma 543 4050, þar sem akút þjónusta er veitt allan sólarhringinn. Það kemur í góðar þarfir þar sem dagskrá Rásar 1 spannar nú allan sólarhringinn og því kappnóg af grafalvarlegum álitamálum, stórum sem smáum, á hverri einustu útsendu mínútu sem má froðufella yfir.

Bara aldrei framar í mín eyru. Munið númerið: 543 4050.

Og hver er tilgangurinn með öllu þessu? Tilgangur minn með utanför þessari er nú á gamals aldri að ljúka BA-prófi í íslenskum fræðum sem ég hef slugsað við í bráðum hálfan áratug, leggja ákafa stund á germönsk fræði (þ. Germanistik) og verða betri maður. Í þessari röð.

Innifalið í atriði númer tvö er að ná fullkomnu valdi á þýsku. Og með fullkomnu á ég við algjöru, konsúmmat og perfekt. Ég á við að geta rætt við bifvélavirkja um bílaviðgerðir á slangurmáli unglingsdrengs. Ég á við að geta rætt við sendiherra um utanríkismál á máli Goethes með smá Schiller-slagsíðu. Einnig að geta skammað strætóbílstjóra með máli ellilífeyrisþega.

Fullnusta fyrsta atriðis verður eins og að komast loksins, loksins út úr öndergrándinu og sjá Big Ben. Akkúrat núna er ég óvart í Northern Line á leið til Totteridge & Whetstone og það er sveittur arabi með sprengju í sætinu við hliðina. Bara stoppað í Shittle Central vegna viðhalds á hinum stöðvunum.

En frá hinum fyrirheitna Big Ben er stutt á King's Cross, og þar gildir miðinn minn hvert á land sem er.

2008-09-21T15:32:00.004+02:00

Die Herrschaft

Einu sinni fór ég í Vínaróperuna með bindi og stífan flibba. Í hlénu fór ég í nammisöluna. Þar var hjörð af amerískum unglingum í bol og stuttbuxum með derhúfur. Eftir skamma stund varð almenn óvissa um hver væri næstur, ég eða unglingskanarnir, og þeir spurðu nammisölukonuna: „Err, are we up?“ Og hún leit á unglingskanana, síðan á mig og sagði: „Nein. Die Herrschaft.“

Die Herrschaft. Það er allnokkrum stigum fyrir ofan Herr, nánast hans hágöfgi. Aldrei fær maður svona trakteringar í nammisölunni í Þjóðleikhúsinu eða Íslensku óperunni.

„Burt, burt, götubörn. Hans hágöfgi þarf næði til að setja rjómakúlurnar sínar í plastpokann sinn, burt.“

Niðurstaða þessa er að íslenskar nammisölukonur eiga að tileinka sér evrópska hýperkurteisi.

2008-07-10T14:56:00.002+02:00

Að gefnu tilefni handa svona handfylli af fólki

Hugmynd að barnabók: Krakkar sem finna prótó-Ódysseifskviðu á leirtöflum í Mýkenu með línuletri B.

„En krakkarnir voru búnir að gleyma því að gera ráð fyrir dígamma í aoristusnum. Þeir kunnu það alveg, en vissu það bara ekki.“

2008-06-30T13:34:00.002+02:00

Gerir algóður skapari svona?

Ég afneita hér með tilvist Guðs.

2008-06-29T18:07:00.002+02:00

Teutoburger Wald MMVIII

2008-06-27T15:38:00.003+02:00

Verum í sambandi

Ég hef aldrei bloggað úr síma áður. Það er gaman.

2008-06-24T15:41:00.003+02:00

Wahrlich

Mir ist heut' ein Freudenlicht bereit.

2008-06-14T00:44:00.002+02:00

Öll afskipti þegnanna af forseta lýðveldisins eru frásagnarverð

Álftnesingar eru vanari umgengni við forseta lýðveldisins en aðrir landsmenn. Það skýrist af náinni sambúð stórmeistara fálkaorðunnar við bæjarbúa. Þegar þeir koma inn úr dyrunum eftir bílferð út fyrir hreppinn þykir þeim alltaf rétt að segja frá því ef þeir mæta forsetanum á afleggjaranum, keyra á undan honum eða keyra á eftir honum, samt eins og í framhjáhlaupi og aldrei eins og það sé aðalatriði sögunnar eða einhver hápunktur vikunnar. Þetta eru bara upplýsingar sem sjálfsagt er að veita, eins og hvort menn hafi séð Gógó frænku úti í búð. Aldrei er þó sagt frá því að forsetinn (eða bílstjóri í umboði hans) hafi tekið fram úr, enda er það óhugsandi atburður.

Nú vil ég greina frá því að ég keyrði fram hjá Ólafi Ragnari Grímssyni og Þuríði Shlomodóttur þar sem þau sátu á rauðu ljósi í Mercedes Benz-bifreið með númerið Skjaldarmerki einn á gatnamótum Álftanesvegar og Reykjavíkurvegar klukkan 20:24 nú í kvöld, þar sem forseti lýðveldisins var án efa á leið á Grímuna, íslensku leiklistarverðlaunin, í Þjóðleikhúsinu. Sólin skein, gunnfáni forsetans bærðist ekki hægra megin á húddinu. Skjaldarmerki einn var stífbónaður.

Þar sem ég bý ekki lengur heima á Álftanesi, og ég kann ekki við að hringja í mömmu bara til að segja henni þetta, langar mig að koma þessu á framfæri á þessari síðu. Takk fyrir.

2008-06-11T21:04:00.002+02:00

6.A

2008-06-08T15:50:00.005+02:00

Orþódox

Margir muna eftir tónleikum Vladimirs Miller og Mótettukórs Hallgrímskirkju um daginn þegar Náttsöngvar Rachmaninovs voru fluttir. Nú er komið að fyrirmyndinni. Kór Novodevich-klaustursins syngur rússneska sálma handa guðsmóðurinni. Pjotr Poljakoff stjórnar.

Þetta er eins og að synda í heitum, tærum sjó.

14 The Hymn for th...

Hosted by eSnips

15 Thou Dost Inter...

Hosted by eSnips

16 Thou the Guide ...

Hosted by eSnips

17 The Hymn for th...

Hosted by eSnips

18 O Marvel Wonder...

Hosted by eSnips

19 At the Sovereig...

Hosted by eSnips

2008-06-07T13:30:00.005+02:00

Aldrei getur maður sofið út þegar maður ætlar sér það

Og þá kemur upp í hugann saga úr neðanmálsgrein í Íslensku málfari eftir Árna Böðvarsson sem hefur lengi verið í uppáhaldi:

„Norðlenski framburðurinn er víða rímskorðaður, og oft verður að nota hann til að halda stuðlum þótt ritað sé hv. Á þingmannsárum Þorsteins Þorsteinssonar þurfti annar þingmaður að finna hann að máli, hitti þingfélaga sinn og sagði:

Hafið þið séð þrjótinn þann,
Þorstein Dalasýslumann?

Sá sem ávarpaður var svaraði þegar:

Kom ég víða, en hvergi fann
karl-helvítis-andskotann.

Það fylgdi sögunni að Þorsteini hefði verið vel skemmt að heyra vísuna.“

2008-06-04T15:52:00.004+02:00

Svangur

Leiðinlegt að búa í Hafnarfirði í þessu ástandi og eiga aðeins um Bónus eða Subway að velja, þegar ég gæti verið staddur í ljóði eftir Sigurð Pálsson og það er bakarí á neðstu hæð hússins þar sem afgreiðslustúlka með brún augu bíður eftir því að kasta fram rafmagnaðri myndlíkingu í samtali við mig.

2008-06-03T19:28:00.001+02:00

Díses fokking kræst, Carrie Bradshaw

Hvað varstu að hugsa?!?!

2008-05-29T15:39:00.002+02:00

Margrét

AF HVERJU VILTU EKKI TALA VIÐ MIG Á GÖNGUNUM Í VINNUNNI AF HVERJU VILTU ÞAÐ EKKI ER ÞAÐ AF ÞVÍ AÐ ÉG ER SVO ERFIÐUR HA? AF HVERJU VILTU EKKI GANGAST VIÐ ÞVÍ AÐ ÞEKKJA MIG AF HVERJU?!

2008-05-27T15:56:00.002+02:00

ERFIÐUR

DJÖFULL ER ÉG ÓGEÐSLEGA ERFI nei ég er að grínast. Hins vegar er Rachmaninov erfiður. Hvernig er hægt að semja píanókonserta sem er ógerningur að muna eitthvað úr? Ég blanda öllum þessum laglínum saman og átta mig ekki stundinni lengur á því hvaðan hver kemur.

2008-05-22T15:32:00.001+02:00

Erfiður

Ég er svo erfiðuuuuuuuuuuuuuuuuuuur í mannlegum samskiptuuuuuuuuuuuuum.

2008-05-21T12:39:00.001+02:00

Erfiður

Ég er svo erfiður.

2008-05-20T18:09:00.002+02:00

Le vice anglais

Ef það er eitthvað óþolandi við enska kóra, þá er það notkun drengjasóprana í stað kvenna. Drengjasópran er leiðinlegt registur sem skapar veimiltítulega tilfinningu fyrir ófullkomleika og vanþroska og stendur súblímum tilfinningum fyrir þrifum.

2008-05-17T03:10:00.002+02:00

Gleðilega Jones-viku

Atriðið þegar hann hitti Hitler á bókabrennu í The Last Crusade. Sex ára börn um allan heim hugsuðu: „Ég ætla að hafa áhuga á mannkynssögu.“

Takk, Indiana Jones.

2008-05-14T03:46:00.004+02:00

Mmmmmmmmm

Komdu og borðaðu ísinn, vinur. Viltu borða hann með skeið eða sleikja hann af mér?

2008-05-05T03:07:00.006+02:00

Mamma eða Mötun upplýsinga fer úr böndunum eða Svona hrynja einræðisríki

M: Ég er ósátt við bloggið þitt.
É: Vá. Ha? Vissir þú af tilvist internetsins?
M: Mér fannst þetta um að [deletum] vera ósmekklegt og ekki fyndið.
É: Hvernig komst þú inn á síðuna mína? Ég hef aldrei sagt þér slóðina. Fórstu á Google? Hver kenndi þér á Google?
M: Þetta var ekki fyndið.
É: Þarf ég núna að fá mér aðra bloggsíðu eða hvað?
M: Ég finn hana líka.

2008-05-01T04:09:00.003+02:00

America's Funniest Home Videos

Maður sem lætur nudda sig á tígrisdýrasundskýlu á sólarströnd getur nú ekki verið alslæmur.

2008-04-30T23:27:00.001+02:00

Tónmál

Þegar ég hlusta á Mahler líður mér stundum eins og að einfættur maður sem er afmyndaður í framan og með blettaskalla haltri grátandi á eftir mér en ég er að reyna að flýja.

2008-04-30T04:12:00.005+02:00

Um framburð í ljósvakamiðlum eða Yheiður Z. Xursdóttir tekur til máls

Nú um stundir er fullt af latmæltum Austurríkismönnum í sjónvarpinu að tjá sig um karlmann sem [deletum]. Það gera ekki margir feður. En hvað um það, Austurríkismennirnir segja ekki [aindojtíx] fyrir ‘eindeutig’ heldur [eeeeendöytíx] af því að þeir eru sveitamenn sem vilja ekki tala háþýsku.

Það er gott og blessað. Annað einkenni á suðrænni sveitaþýsku er að fella brott í ritmáli stoðhljóð í enda atkvæðis á undan sónóröntum svonefndum, eins og menn kannast við í nafni tónskáldsins Haydn (í stað Hayden til dæmis, eins og er ritað þegar nær dregur Norðursjó).

Engu að síður er þetta nafn utan Stórþýskalands borið fram eitthvað í líkingu við [haiden], semsé með stoðhljóði þótt ekkert sé í rithætti. Þjóðverjar sjálfir fara örlítið aðra leið; hafa n-ið síðasta atkvæðisbært, og ber það í hljóðritun lóðrétt strik niður úr sér því til táknunar, svo að n-ið oftnefnda sé lengi í nef kveðið, án stoðhljóðs. Framburður verður því eitthvað í líkingu við [haid-nnnnnnnn].

Sama er uppi á teningnum í nafni föðurins greiðvikna, en hann heitir Josef Fritzl. Ekkert er þar stoðhljóð til að gefa til kynna að l-ið síðasta, sónórant af sömu ætt og n-ið í Haydn, sé atkvæðisbært og raddað, og nafnið því útlagt [fridds-lllllllll].

Nú hefði maður ætlað að Haydn-reglan væri mönnum um alla jarðarkringluna svo gjörkunnug, jafnt Palestínuaröbum á Gaza sem Masai-veiðimönnum í Afríku og líka fjölmiðlamönnum á Íslandi, að ekki þyrfti að minna á slík sjálfsögð sannindi. Öðru er nær.

Allir sem um þetta mál hafa fjallað hafa farið með ættarnafn þessa manns eins og um eitt atkvæði væri að ræða en ekki tvö, og sagt [friddsl] eða jafnvel [frissdl], með l-ið óraddað, sem ég hef lengi sagt að væri ljótasta hljóð í íslensku og bæri að útrýma. Þetta er eins og ef nafn tónskáldsins Haydns yrði borið fram sem eitt atkvæði með órödduðu n-i og sagt [haidn], eða eins og það væri stafsett Hænn, og rímaði við ‘kænn’ eða ‘vænn’. Það á að ríma hér um bil við ‘lætin’ eins og menn vita (sunnlensku útgáfuna). Á sama hátt á nafnið Fritzl að ríma nokkurn veginn við ‘fiddle’ í ensku, sem er tvö atkvæði, ekki eitt.

Nokkrir menn [deletum] eiga sökótt við Jósef þennan (Fritzl þeas., ekki Haydn, guð minn góður). Samt tel ég brýna nauðsyn til þess að bera nafn hans rétt fram, ekki [friddsl] eða [frissdl], heldur [friddsel], vegna þess að það er sannleikur, en hitt lygi.

2008-04-25T16:44:00.006+02:00

Á leiðinni út

Mig langar til að hlusta á kantötu BWV 195, Dem Gerechten muss das Licht immer wieder aufgehen.

Hún er til á aðalsafni Borgarbókasafnsins. Ég hef of oft lent í „hmm haa jáá hún bara finnst ekki hmm“-aðstæðum á því bókasafni til að bera nokkrar væntingar til ferðar minnar þangað.

Tölvumynd af Bach, rekonstrúeruð eftir leisermynd af höfuðkúpu hans.

2008-04-23T23:36:00.003+02:00

Kínverska

Þetta er fáránlega öflug frammistaða hjá forsætisráðherra Ástralíu. Verra samt að hann hafi farið á fund með forstjórum Rio Tinto, en eins og lesendur Draumalandsins vita þá er Rio Tinto einhvers konar frontur fyrir flugnahöfðingjann hér á jörð, nokkurs konar and-Vatíkan.

Ég efast meira að segja um að víkingasveit herlögreglunnar í Rio de Janeiro geti ráðið við Rio Tinto.

2008-04-23T18:48:00.005+02:00

Í ljósi atburða eða BOPE II

Meyvant A. Sigurðsson vöruflutningabílstjóri hætti að kvarta yfir „harðræði“ íslensku lögreglunnar þegar víkingasveit herlögreglunnar í Rio de Janeiro var send til að díla við þá.

2008-04-22T15:58:00.002+02:00

BOPE (Fala! Fala! Fala!)

Friðjón átti sér einskis ills von þegar víkingasveit herlögreglunnar í Rio de Janeiro stöðvaði hann undir Kópavogsbrúnni og mundaði plastpokann.

2008-04-22T00:57:00.009+02:00

Lögbirting

Vísað er til tilkynningar 10. október MMIV.

Ég, Atli Freyr Steinþórsson, stórhertogi í Atlaníu, rektor Atlaníuháskóla og forseti háskólaráðs, hef ákveðið að veita Frank Arthur Blöndahl Cassata framgang í embætti lektors í tölvunarfræði við háskólann. Titill hans er lector regius retiarius plenipotentiarius, konunglegur tölvunarfræðilektor án kennsluskyldu, en með heimild til kennslu við aðrar skólastofnanir sem sendimaður Atlaníuháskóla.

Sé það góðu heilli gjört og vitað.

(Lektor Frank er til vinstri á polaroid-myndinni. Við hlið hans er Helgi Hrafn Guðmundsson, bóhem og sjónvarpsstjarna, en Elín Lóa, Mosfellingur og námsmaður, gægist yfir myndina í raunveruleikanum. Á skrifandi stundu er eigandi þumals mér óþekktur.

Uppfært 23:11: Lektor Frank segir þumalinn sinn.)

2008-04-17T01:37:00.001+02:00

Járnin

Þegar ég verð kominn með sixpakkinn ætla ég að halda partí þar sem ég verð ber að ofan allt kvöldið. Þér er boðið.

2008-04-10T19:00:00.003+02:00

La contadina

Emma Kirkby var umsjónarmaður útvarpsþáttar sem ég heyrði fyrir skömmu. Hún sýndi þar á sér töluvert aðra hlið en hún flíkar í barokksöngnum, þar sem hún syngur fínpússaða RP-ensku. En í þessum þætti talaði hún greinilega sitt eigið móðurmál, unaðslega og sætfljótandi sveita-ensku, og sagði [kúntre] fyrir 'country' í stað [kantrí]. Ég varð ástfanginn af henni aftur á nýjum forsendum.

2008-04-08T03:09:00.006+02:00

Íslenzk einsöngslög

Eru æði, þvert á það sem ég hélt einu sinni.

Staðreynd: Til eru söngvarar (non-pólskir, meira að segja) sem sérhæfa sig í því að syngja sönglög á pólsku eftir Chopin, sem eru óintresant, leiðinleg og á máli sem er ógerningur fyrir útlendinga að bera rétt fram.

Til umhugsunar í framhaldi af þessu: Væri ekki gaman ef Bryn Terfel og Malcolm Martineau gæfu út portrett-disk með klassískum íslenskum sönglögum og kæmu síðan þegar tónlistarhúsið verður opnað og tækju Ásareiðina eftir Sigvalda Kaldalóns, eða Sverri konung eftir Sveinbjörn Sveinbjörnsson, og Bryn full-coachaður í íslenskum söngframburði?

Möguleg afleiðing: Íslensk einsöngslög yrðu þá að költfyrirbrigði í klassíska tónlistarheiminum og áður en varði væri komið á fót Der Internationale Kaldalóns-Wettbewerb í Reykjavík, sem fram færi á fimm ára fresti og blóðheitir söngvarar segðu sig reglulega úr dómnefndinni eftir deilur um sigurvegarann.

2008-04-01T21:19:00.001+02:00

Et iterum venturus est cum gloria judicare vivos et mortuos

Þetta var rosalegt. Takk fyrir, öll sem ég hitti. Amen. Hallelúja fyrir líf hinnar komandi aldar.

2008-04-01T19:04:00.000+02:00

Farinn

Jæja, ég er farinn upp í Öskjuhlíð. Sjáumst þar.

2008-04-01T16:20:00.002+02:00

Allir að mæta

Mér hefur rétt í þessu borist guðleg fregn um að Jesús Kristur muni stíga niður úr hásæti sínu á himnum og stofna til þúsundáraríkis síns í Öskjuhlíð í dag klukkan 17:30, fyrir utan Perluna. Brauð og fiskar til sölu á staðnum.

2008-03-27T17:52:00.001+01:00

Evgeny Kissin

Evgeny Kissin.

2008-03-26T16:47:00.007+01:00

Að taka myndir af ókunnugu fólki án samþykkis þeirra

Oft kemur það fyrir í útlöndum að löngun grípur mann til að taka mynd af ókunnum en áhugaverðum einstaklingi á förnum vegi. En menn verða gjarnan að gjalti í slíkum aðstæðum og fallast hendur frammi fyrir mögulegum viðbrögðum viðfangsins, enda þykir ekki við hæfi að brjóta svo freklega á tilverurétti manns.

Ég hef lengi iðkað myndatökur af ókunnu, áhugaverðu fólki í útlöndum (vegna þess að ég er siðlaus) svona: 1) Horfa ákveðið á ímyndaðan fjarlægan punkt sem svo vill til að er alveg við hliðina á viðfanginu, 2) munda vélina og smella af, 3) horfa síðan aftur ákveðið á ímyndaða fjarlæga punktinn við hliðina á viðfanginu eins og þú sért að íhuga myndefnið.

Viðfangið hefur oftast tekið eftir aðgerðum þínum á stigi 2), jafnvel á stigi 1), það fer eftir því hversu nálægt það er. En alveg örugglega á stigi 3), þá horfir það á þig eins og til að leita útskýringar á því af hverju þú ert að taka mynd af því.

En þú ert ekki að taka mynd af viðfanginu. Þú ert í raun að taka mynd af fjarlæga ímyndaða punktinum alveg við hliðina á viðfanginu, það vill bara svo til að viðfangið lendir á myndfletinum miðjum. Þess vegna er mikilvægt að bila ekki á stigi 3), heldur að láta eins og viðfangið sé alls ekki til og varði þig engu.

Þessi aðferð virkar í stórborgum vegna þess að ekki þykir svara fyrirhöfn að stofna til illdeilu við ferðamann með ljósmyndavél, sem var kannski og kannski ekki að taka mynd af þér, og talar ef til vill skrýtið tungumál og gæti orðið reiður og pirraður ef afskipti eru höfð af honum. Sönnunarbyrðin liggur öll hjá þér sem viðfangi, og í erli stórborgar er hún of þung til að henni megi lofta á nokkrum tugum sekúndna. Þess vegna hef ég aldrei fengið athugasemd frá viðföngum mínum.

Þetta snýst um félagslega nálægð. Þetta virkar þar sem hún er lítil, en síður þar sem hún er mikil. Ég var einu sinni kominn í útlandagírinn í Leifsstöð og gerði tilraun til að taka mynd af sætri stelpu sem vann í útibúi Landsbankans, en leið illa þegar stig 1) var hálfnað, vegna þess hve félagsleg nálægð milli okkar var mikil. Ég sá að spurningin „Fyrirgefðu. Ertu að taka mynd af mér?“ lá beinlínis á vörum hennar ofan á varalitnum. Og þá er hulunni svipt af glæpamanninum og hann stendur eftir nakinn.

En með blekkingum, misnotkun á mannlegu eðli og óheiðarleika má um frjálst höfuð strjúka þegar myndir eru teknar í óleyfi af ókunnugu fólki á götum stórborga.

2008-03-18T17:35:00.003+01:00

Best

Rómantískir hljómsveitarforleikir sem enda á risastórri macho-útsetningu á þekktu stefi er besta tónlist í alheiminum. Gjörvöllum. Ég nefni Akademískan hátíðarforleik eftir Johannes Brahms sem lýkur á Gaudeamus igitur; Hátíðarmars eftir Pál Ísólfsson sem lýkur á Úr útsæ rísa Íslandsfjöll; 1812 eftir Tchaikovsky sem lýkur á rússneska keisarasöngnum; og forleikinn að Elverhøj eftir Kuhlau sem lýkur á Kong Christian.

2008-03-17T11:15:00.002+01:00

Zero% Fat Inside This Bag!

Var ég búinn að segja ykkur söguna af fitness-snakkinu sem ég keypti og reyndist við nánari aðgæslu vera 60% sykur?

2008-03-11T22:06:00.002+01:00

Hugleiðingar um sjálfstætt Skotland

Ég vil vekja athygli á eftirfarandi sem ég hef ekki haft rænu á að kynna mér fyrr en nú:

Íbúar Stóra-Bretlands eru 60,6 milljónir.

Þar af búa 50,8 í Englandi.

En 5,1 í Skotlandi.

3,0 í Wales.

1,7 á Norður-Írlandi.

Mér datt ekki í hug að hlutföllin væru 50/5 milli Skotlands og Englands. Skotar eru færri en Svíar, jafnmargir og Danir. Magnað. Þeir voru fleiri í huganum.

2008-03-02T00:26:00.001+01:00

Hannibal ad portas

Bókstaflega.

2008-03-01T16:39:00.002+01:00

Ég er gamall maður

Gærdagurinn færði mér gleði.

2008-02-28T15:27:00.004+01:00

Nýjast í fræðunum

Menn eiga að brenna óperuupptökur þar sem söngvarar syngja ekki á móðurmáli sínu.

2008-02-27T06:04:00.002+01:00

Tekjulind

Ég var að átta mig á því að ég bý yfir apókrýfum hluta úr höfundarverki Bubba.

2008-02-27T06:02:00.001+01:00

Bubbi í bíó I

„Shhhhjáðu maður, hann er algjör shhhhhhjækó maður haaaaaaaaaaaaahaaaaaaaaaaaaaaa.“

2008-02-26T03:04:00.003+01:00

Á bíó

Ég varð þeirrar gleði aðnjótandi í kvöld að sitja í kallfæri við konung stáls og hnífs og heyra hann öskra skoðun sína (þó í hvísl-stellingu) á atburðum kvikmyndarinnar No Country for Old Men í eyra spúsu sinnar um leið og þeir gerðust á tjaldinu.

2008-02-26T03:01:00.001+01:00

Attention

Les baigneurs sont tenus à se laver au savon sans maillot de bain avant d'entrer dans la piscine. Merci.

2008-02-21T03:58:00.001+01:00

Jeopardy

„Tvo sentimetra á ári.“

Lesendur giski á spurningu við þessu svari í kommentum.

2008-02-15T20:56:00.002+01:00

Hvað er þá orðið okkart starf

„Varst þú ekki í MH? Nú, MR. Nei, þú ert bara svo MH-legur.“

2008-02-10T12:18:00.000+01:00

Fyrsti sunnudagur í föstu og líkamsrækt

Sálmur þessa dags er eftir Matthías Jochumsson og boðar oss Íslandsherratign í ljósi sjoppuafneitunar vorrar í gærkvöld og hljóðar svo í Drottins nafni:

Við freistingum gæt þín
og falli þig ver,
því freisting hver unnin
til sigurs þig ber.
Gakk öruggur rakleitt
mót ástríðuher,
en ætíð haf Jesú
í verki með þér.

Amen.

2008-02-10T08:57:00.001+01:00

Hahh

Ég fór ekki út í sjoppu.

2008-02-09T20:32:00.001+01:00

nei nei nei nei nei nei nei nei nei nein nein nein nein nein nein nein nein nein neiN neIN nEIN NEIN NEIN NEEEEEEEEEINNNNNNN NEEEEEEEEEEEEIIIIIIIIIIIIINNNNNNNNNNN!!!!!!!!!!!!!!!!!!!!!!!!!!!!!!

2008-02-09T20:29:00.001+01:00

HEYRIRÐU EKKI HVAÐ ÉG SEGI?!?!

ÉG ÆTLA EKKI ÚT Í SJOPPU!! ÉG ÆTLA EKKI ÚT Í SJOPPU!!!!

2008-02-09T20:13:00.001+01:00

NEI!

Þeir sem ætla að verða herra Ísland fara ekki út í sjoppu. Þeir sem ætla að verða herra Ísland fara ekki út í sjoppu. Þeir sem ætla að verða herra Ísland fara ekki út í sjoppu. Þeir sem ætla að verða herra Ísland fara ekki út í sjoppu.

2008-02-09T12:38:00.000+01:00

137

Svo virðist sem ég hafi orðið fyrir einhvers konar stórstraumsröst Vatnajökull-Kópavogsbraut þar sem ég var staddur klukkan 18:31 í gær. Svo óheppilega vildi til að ég var staddur á svellbunka. Þá bölvaði ég fósturjörð minni.

2008-02-09T01:22:00.000+01:00

Rome

Mannkynssaga og klám í einum og sama sjónvarpsmyndaflokknum. Er hægt að óska sér einhvers meira eða betra? Nei.

2008-02-07T06:59:00.001+01:00

Láttu mig vera, mér finnst Star Trek leiðinlegt

Það er ekkert spurning um það neitt!

Það eru einungis kvarthundrað manns komnir á Wilhelm-Schattner-listann á fésbókinni. Ha. Ég er andvaka á næturnar yfir þessu. Nú bárust þær fréttir í dag að Wilhelm hefði verið hætt kominn á skurðarborðinu í mjaðmaraðgerð þegar hann fékk hjartsláttartruflanir. Er það furða að maður hafi áhyggjur?

Listinn verður afhentur Össuri Skarphéðinssyni iðnaðarráðherra bráðlega. Farið nú og rekrúterið ömmur ykkar í þetta.

2008-02-04T14:11:00.000+01:00

Heyrðu

Eftirfarandi bar fyrir augu mín um helgina. Ég var að horfa á kvikmyndina Zodiac af DVD-mynddiski í fartölvu minni. Myndin gerist að verulegu leyti inni á ritstjórn dagblaðs. Snemma í myndinni labbar ritstjórinn fram hjá blaðamanni og segir eitthvað á ensku. Síðan stendur blaðamaðurinn upp og hittir hóp fólks inni á lokaðri skrifstofu og þeir virðast vera að ræða mikilvæg mál. Þetta sagði ritstjórinn við blaðamanninn.

„Hey, editorial in two!“

Þetta útlagði þýðandi þessarar kvikmyndar sem:

„Heyrðu, leiðari á tveimur!“

Látum vera þótt þýðandinn kunni ekki ensku. Það getur alveg verið kostur á manni sem vinnur við að þýða ensku yfir á íslensku. Mér finnst hins vegar svolítið merkilegt að þýðandinn geri ráð fyrir því að í myndinni tali fólk saman á einhvers konar bullmáli eða ekkimáli og að í hans heimi þýði hljóðastrengurinn „heyrðu, leiðari á tveimur“ eitthvað merkingarbært yfir höfuð.

Mér finnst það alveg frábært að uppi sé sú stefna meðal þýðenda á Íslandi að það sé ekkert samband, alls ekki neitt, milli þess sem er merkingarbært á íslensku, Í RAUNVERULEIKANUM og þess sem er sagt í kvikmyndum, að málnotkun í kvikmyndum liggi í einhverjum skilningi handan mannlegs máls.

Herra þýðandi, getur þú ímyndað þér aðstæður í mannlegum samskiptum á Íslandi þar sem einhver gæti fundið hjá sér þörf til að segja „heyrðu, leiðari á tveimur“? Heyrðu, það er leiðari á tveimur. Nú geri ég ráð fyrir því að þú játir að slíkt myndi enginn maður segja þótt hann væri með gúrku í endaþarminum vegna þess AÐ ÞAÐ ER EKKI MANNLEGT MÁL. Af hverju telur þú þér þá sæma að bera það á borð fyrir mig? Af hverju? Af því að ég skilji ekki hvað mannlegt mál er?

HELVÍTIS BLAÐAMAÐURINN VAR INNI Á RITSTJÓRNINNI, OG FÓR SVO Á FUND MEÐ RITSTJÓRA OG ÖÐRUM BLAÐAMÖNNUM OG ÞAÐ ER KALLAÐ RITSTJÓRNARFUNDUR, OG ÞAÐ VAR RITSTJÓRNARFUNDUR EFTIR TVÆR MÍNÚTUR

EN EKKI LEIÐARI Á TVEIMUR!!!!!! EKKI LEIÐARI Á TVEIMUR!!!!!!

2008-02-04T02:45:00.000+01:00

Aldrei, aldrei, án Williams Shatners!

„Íslendingar skora á ríkisstjórn landsins að meina framleiðendum nýrrar Star Trek-kvikmyndar að mynda hér á landi, verði William Shatner þar ekki í hlutverki kapteins Kirk.“

Það er heimssögulega mikilvægt að allir skrifi undir.

2008-01-31T22:08:00.000+01:00

Ohh

Ég fór í nammisjálfsalann.

2008-01-31T21:08:00.000+01:00

Að halda aftur af sér

Þeir sem ætla að verða herra Ísland fara ekki nammisjálfsalann. Þeir sem ætla að verða herra Ísland fara ekki í nammisjálfsalann. Þeir sem ætla að verða herra Ísland fara ekki í nammisjálfsalann.

2008-01-31T02:12:00.000+01:00

ÉG VAR EKKERT „ERFIÐUR“ Í LONDON!!!!!

2008-01-31T00:10:00.000+01:00

Jestem Slavoj

Ég missti af Slavoj Žižek á laugardaginn. Ég var að horfa á hann í sjónvarpinu áðan. Mér líður eins og ég hafi verið í frjálsu falli í hálftíma og komið niður í sundlaug af marmelaði. Ég er með hjartslátt. Hvar getur maður lært slóvensku?

Núna man ég af hverju ég fór í háskólanám í hugvísindum.

2008-01-28T18:26:00.000+01:00

Hagkaup, Garðabæ

- Fyrirgefðu, það vantar plastpoka þarna.

Starfsmaður forðast augnaráð.

- I don’t speak Icelandic.
- Oh, what languages do you speak then, eh, Jan, is it? Swedish? Finnish?
- English will be fine.
- OK. I was just looking for some plastic bags, to put the pastry into.
- I’ll go and get some.

Á leiðinni.

- Where are you from?
- From Latvia.
- Ah. Latviešu. That’s what Latvian is called ... in Latvian, isn’t it?
- How did you know that?
- I read it on Wikipedia. How would you say “Do you speak Latvian” ... in Latvian?
- I don’t know, I don’t speak Latvian.
- Why not?
- Because there are two languages in Latvia. I am Russian.

Samtalið virðist ekki bjóða upp á umræður um samskipti þjóðarbrota í Lettlandi og áþján kommúnismans.

- Your bags are there.
- Spasjiba!

Starfsmaður sýnir merki vanþóknunar.

2008-01-28T13:47:00.001+01:00

Es lebe unser heiliges Deutschland

Myndin um Stauffenberg-plottið gegn Hitler í sjónvarpinu í gær var svolítið góð. Þetta var reyndar þýsk sjónvarpsmynd, Tom Cruise-myndin kemur í bíó í sumar eins og þið vitið. Ég ætla að sjá hana.

Ég furðaði mig á því hvað uppreisnin virtist vera víðtæk í herforingjaliðinu, ég hef alltaf lesið þennan atburð sem einhvers konar stundarbrjálæði í einum manni. En svo kemur í ljós yfirgripsmikil Hitler-antípaþía, sem ég hélt að hefði varla verið til. Það er að minnsta kosti minna gert til að halda henni á lofti en efni standa til. Gefur manni nýja sýn á tímann.

2008-01-20T23:36:00.000+01:00

MLH

Í vor útskrifast tveir menn með stúdentspróf frá Litla-Hrauni. Þessir menn hefðu að sjálfsögðu átt að fá að keppa í Gettu betur. Er ekki til einhver nefnd sem úrskurðar um svona? Öryggisráð Femínistafélags Íslands jafnvel?

- Spurt er um kaþólskt altarissakramenti. Við sjáum mynd.
*ding dong*
- Litla-Hraun?
- Já, er þetta transsubstantiatio, þegar menn trúa að oblátur og messuvín breytist í blóð og líkama Krists? ... Ööö, á fjórða Lateranþinginu árið 1215 ...
- Strákar, þetta er komið.
- Stebbi, þér verður fokking nauðgað í sturtu í kvöld!
- Getum við fengið ró í salinn?

Litla-Hraun í Gettu betur 2009!

2008-01-20T00:16:00.001+01:00

Úff

Djöfull er ég kominn kirfilega á „fokk-eru-X-ár-síðan-Y“-aldurinn.

2008-01-19T16:15:00.000+01:00

Hel

Kuldi og snjór hafa aldrei verið óvinur minn. Ég þrífst betur í snjó og kulda að vetrarlagi en blautu, brúnu grasi.

En núna hafa ofnarnir hjá mér verið bilaðir í þrjár vikur og þetta er eiginlega ekki hægt lengur. Ég er hættur að finna fyrir fótunum á mér. Það hrímdi í kókglasi á eldhúsborðinu í nótt.

2008-01-19T00:52:00.000+01:00

Pik ap lajn

Witaj! Jesteś Polką?

2008-01-18T00:01:00.000+01:00

Íslendingar eru ömurlegir í öllu

Það sem vakti athygli mína við skammarlegan og ófyrirgefanlega ömurlegan landsleik Íslendinga gegn Svíum í kvöld, var að Anders Fogh Rasmussen, forsætisráðherra Danmerkur, var í markinu fyrir Svía. Nema í aukaköstum og vítum, þá kallaði hann á Christian Bale inn á völlinn. Af hverju veit ég ekki.

Þetta minnir mig á þessar ógnvænlegu lífsreynslur. Mér verður enn óglatt af kvíða þegar ég hugsa um þessar reynslur. Þegar ég sá þá með augunum mínum.

2008-01-13T14:26:00.000+01:00

Reality imitates art

Hvílíkur baggalútur.

2008-01-12T14:18:00.001+01:00

Imperium

Hillary Clinton verður forseti í haust. Svo eftir átta ár verður Jeb Bush forseti, og situr í tuttugu ár í krafti stjórnarskrárbreytingar ad patriam defendendam in tempore belli. Síðan verður Chelsea Clinton keisaraynja, en ber heiðurstitilinn „President“ við trúarathafnir og þegar 11. september er minnst. Hún talar í ræðum fyrir senatinu um lifandi lýðræðishugsjón forfeðranna, þótt Bandaríkin verði þá orðin að keisaraveldi sem áreitir íslenskar ljóskur í pæjuferðum. Síðan verður bellum civile milli Clintoníana og Georgíana sem mexíkanskir barbara-málaliðar standa í að mestu. Svo ræna mexíkönsku barbararnir völdum og renna saman við amerísku yfirstéttina. Við tekur 1016 ára hnignunartímabil uns íbúar Samóa-eyja verða að drottnurum jarðarinnar.

Ósama bin Laden/Atli Húnakonungur traðkar á Ameríku/Ítalíu og öllu sem er fagurt og siðlegt og óbarbarískt, í boði Eugène Delacroix.

2008-01-11T11:04:00.000+01:00

Nei

Neeeeeeei ...... nei. Nei, nei, nei, nei, nei, nei. Neineineineineineinei. Nei. Nei.

2008-01-04T12:02:00.000+01:00

Fótbolti

Ég tala þýsku. Ég hef gífurlegan og óslökkvandi áhuga á fótbolta. Ég gegndi starfi þjálfara íþróttaliðs í úrvalsdeild 2004-2005 og er sjálfur tvöfaldur Íslandsmeistari í minni grein. Ég er borðleggjandi kostur í þetta starf miðað við kröfur.

2008-01-04T09:07:00.000+01:00

Stíll

„Handþvottur er þýðingarmesta einstæða atferlið til að hindra útbreiðslu sýkinga,“ segir á bls. 29 í Tuttugu og fjórum stundum í dag.

Hingað og ekki lengra, ritstjórn Tuttugu og fjögurra stunda! Ég hafna því að ég verði að fá svona texta ofan í allt of lítinn póstkassa minn. Ég er hættur að láta stafsetningarvillur og beygingarvillur fara jafnmikið í taugarnar á mér og á yngri árum. Ég uppgötvaði þessa meginbreytingu í persónuleika mínum bara um daginn þegar textinn „Við byðjumst velvirðingar á myndtruflunum“ birtist í Ríkissjónvarpinu á Renée Fleming-tónleikum. Ég hlýt að vera inni í þessu „við“ í einhverjum skilningi. Og ég gat alveg skrifað upp á það að byðjast velvirðingar, vegna þess að mér þykir vænt um ypsilon og get unnt því þess að vera alls staðar. Ypsilonismi er merki þess að íslenskt ritkerfi sé lifandi og fljótandi. Kerfi sem er sjálfu sér nógt.

En það er ekki merki þess að íslenska sé lifandi og frjótt tungumál ef handþvottur er þýðingarmesta einstæða atferlið til að hindra útbreiðslu sýkinga. Það er merki þess að við getum hætt að lifa á þessu landi, brennt allt prentmál á íslensku og farið að afgreiða í kynlífssjoppu í Malmö.

Það er skrækróma og nefmæltur maður að tala núna í morgunútvarpi Rásar 2: „Það fer ofsalega mikið í taugarnar á mér að allar þulurnar sem eru núna, ha, nota allar alltaf L-I-T-L-A-U-S-A V-A-R-A-L-I-T-I! Ohh.“ Mikið er ég glaður að serótónínasamsetning heila míns kemur í veg fyrir að ég hafi áhyggjur af einhverju svona sem skiptir engu máli.

2008-01-03T07:27:00.000+01:00

Dronningens nytårstale

Íslendingar.

Áramótaskaupið 2002 var dásamlegt. Og af hverju, spyrjið þið? Sjá mynd:

Þessi mynd segir allt sem segja þarf. Bonus and the Beautiful. Vá. Ég fæ hitafiðring í brjóstið af gleði.

2007-11-24T00:43:00.000+01:00

AAAAAAAAAAAAAAAAAAAAAAAAA! AAAAAAAAAAAAAAAAAAAAAAAAAAAAAAA!

Haha.

2007-11-24T00:36:00.001+01:00

Af hverju heldur þú ekki bara kjafti?

José Luis Zapatero talar svolítið einkennilega spænsku, hún er eins og karíkatúr af spænsku fremur en „spænska“. Mig langar að tala svona. Porrrrrrssssssssupuessssto. Porrrrrrssssssssupuessssto.