Ræðukeppni

Í dag keppti ég sem stuðningsmaður í úrvalsliði fornmáladeildar ásamt með Helga meðmælanda, Friðriki frummælanda og Bó liðsstjóra. Kepptum við gegn liði eðlisfræðideildar og var umræðuefnið 'fornmáladeild'. Úrvalslið fornmáladeildar mælti á móti.

Við mættum hatrammir til leiks (eftir massífa heiftarupppeppun í T-stofu) og drógum ekkert af okkur í ofsanum gegn þeim þjóðhagslega óhagkvæmu iðjuleysingjum og ónytjungum sem eru á fornmáladeild. Eðlisfræðingar reyndu af veikum mætti að verja tilvist aumingjaruslakistunnar en tókst ekki og unnum við þar sem málstaðurinn og Guðs blessan voru okkar megin.

Því hvað er það, með leyfi að spyrja, sem siðspilltir niðurrifsseggirnir á fornmáladeild stefna að, annað en tortíming borgríkis okkar?