Húsmóðir við uppvaskið

Næst þá ætla ég að kaupa mér Fairy-uppþvottalög með eplakeim.

DD 230.044

Fátt lokkar meira í lærdómsnauðum á Þjóðarbókhlöðunni en heildarverk Lúthers í 70.000 bindum.

Ég

Mér leiðist. Ég ætla að fara að hlusta á gamlar upptökur með sjálfum mér.

Uns ist in alten mæren

Var Sigurður Fáfnisbani með túberað hár og talaði eins og Jean-Claude Van Damme? Því hélt Ríkissjónvarpið fram í kvöld.

Hugsað á leið úr 10-11

Ó þú dýra Homeblest-kexkaka, unaður þinn er guðstrú sætari og konu mýkri.

Auglýsing

Í gær fékk ég að leika pabba og passa hjalandi smábarn eina dagstund. Það var stórkostlegt í alla staði. Barnið sofnaði þegar ég fór út að keyra það í kerru og var mjög værðarlegt í fanginu á mér þegar inn var komið og tók allri meðferð með jafnaðargeði og stillingu, einnig kennslu í latneskri sagnbeygingu.

Einnig var barnið mjög áhugasamt um Gettu betur-bolinn minn frá 2002 sem ég var í(væntanlega vegna þess hversu góða áru leggur af því keppnisári, svipað og af 2007 vegna þess að eini skólinn í heiminum sem er réttborinn til sigurs vann í hvort tveggja skiptið).

Mig langar í barn. Núna. Áhugasamar skrái sig í kommentakerfið.

An interesting prospect

Wikipedia segið þið já.