Hér habju ik hertõ / Hagunan enas frókinan

Á þessu myndbandi er snælduvitlaus norskur norrænukennari og kennslubókahöfundur að performera bút úr Atlakviðu á endurgerðri frumnorrænu í kóstúmi með aðstoð nemanda sem réttir honum þau líffæri sem um er rætt í kviðunni.

Í myndbandinu tvinnast saman einkunnarorð vefritsins, sem eru úr Atlakviðu, og orðið geip, sem væri kannski fimbulgeip í þessu tilviki.

Hvað haldið þið að caco þýði á latínu?

abg

alfa) Á greiðsluseðli frá Háskóla Íslands sem ég fékk áðan stóð hefir.

beta) Ef súveren Englands verður einhvern tíma e.k. hermafródítos eftir kjarnorkuslys er hægt að kalla hann quing.

gamma) Lyftan í Odda lyktaði af hreinlegum ljóskum sem nota mjög sterk ilmvötn og ganga í þröngum buxum en lyftan í Árnagarði lyktaði í dag af sígarettum, kaffi og svita.

Fals

Í margar vikur hef ég hlakkað til útborgunar á mánudaginn kemur vegna þess að ég hélt að sunnudagurinn 30. væri síðasti dagurinn í október (nei, ég kann ekki apjúnseptnóv, svo haltu kjafti). Nú rétt í þessu tók ég eftir ömurlegum 31. október sem hefur falið sig fyrir neðan 24. október á dagatalinu í margar vikur. Er þetta löglegt? Er sömuleiðis löglegt að loka Nemendaskrá klukkan 15 á daginn?

Svo mega kvikmyndaunnendur velja á milli þess hvort þeir segja ['bom:] eða ['bong]. Þið vitið hvað ég myndi segja: Uss, [mal'tang] gaf henni ['bong].

Forfrömun

Ég er forframaður. Ég er hættur að segja ['komment] og ber það nú fram eins og franska væri. Dæmi: Heyrðu mig, þú [komm'ong]-taðir á síðuna mína í gær. Það var vont [komm'ong].

Þá heitir bandaríski kvikmyndagagnrýnandinn Leonard Maltin ekki ['maltin] heldur [mal'tang]. Dæmi: Já, ég sá í bók nokkurri að [mal'tang] gæfi þessari mynd BOMB.

Oddi er eins og flugvöllur

Fútúrískur arkítektúrinn og pólýglottískt tungutakið sem bergmálar úr hverju fjölmenningarlegu horni leggst á eitt við að knýja fram söknuð eftir „[bínnnng bannng bonnnng] Passagerer bedes om opmærksomhed ...“ Þetta hugsa ég þegar ég heyri ekki í sjálfum mér hugsa við lesborðin, horfi á útlendingana tveimur hæðum fyrir neðan og sakna fokdýrrar samloku af barnum og týnds vegabréfs.

Mér hefur legið við andnauð í allt kvöld yfir þessu belgíska spjallþáttavídjói. Úff. Ég hlæ við tilhugsunina eina.

Það er samt eitt í þessu. Ég skil ekki hvaðan Dýfileyingar hafa það að viðtalið fjalli um einelti. Ég hef hlustað á þetta af athygli (enda er flæmska bara óskýr þýska, svipaður fídus og danska versus sænska) og mér heyrist þetta fjalla um kynlífsörðugleika sem hjónin áttu í eftir að konan fór í aðgerð. Þess vegna var spyrillinn flissaktugur fyrir, og þegar allt lagðist á eitt; alvarlegt tilefnið, grátandi konan, pípandi hænsnarödd mannsins með skeggið og svo kjánalegi karlinn úti í sal, þá er til of mikils mælst af öllum mönnum að þeir haldi andlitinu.

Síðan sagði spyrillinn að þátturinn hefði verið tekinn af dagskrá og ferill hans í sjónvarpi endað. Enda kannski ekki skrýtið. Sáið þið þessa ömurlegu sviðsmynd þarna? Guði sé lof fyrir Ríkissjónsvarpið og Kastljós í samanburðinum. Þeir mættu samt taka niður diskókúluna í vinstra horninu. Það glampar óþarflega mikið á hana.

Ú, ég var að fá hugmynd.

Or si tu peux le lire!

Pour paraître savant, il n’y a qu’une chose à faire: s’exprimer sans cesse en français dans son site blog, parce que vous ne le comprenez pas, nananananana. Ânes. Imbéciles. Barbares. Je me moque de vous.

Nýyrði

„Landssímamilljarður“.

Hvað er fallegra en Cecilia Bartoli í flegnum kjól að syngja feimnislegan ástarsöng á bjagaðri þýsku? Ekkert.

Nei, haldið þið ekki að Stelpurnar hafi rétt í þessu verið að gera grín að auglýsingalestri í Ríkisútvarpinu. Jasvei.

Længe leve kongen!

Snyrtilegt

Hvað hugsar þú þegar þú sérð útvarpsþátt auglýstan sem heitir Bókmenntaárið 1955: „Hmm, hvað skyldi nú verða fjallað um þar?“

Það var því léttir að sjá þessa kynningu:

Bókmenntaárið 1955

Í þessum þáttum er sagt frá atburðum á bókmenntasviðinu á þessu ári (fyrir utan Nóbelsverðlaunin til Halldórs Laxness). Á árinu komu út ýmis merkileg skáldverk sem mörkuðu tímamót. Hér er greint frá viðburðum í útgáfuheiminum, sagt frá merkustu ljóðabókum og skáldsögum ársins, lesið úr þeim og flutt brot úr leikgerðum.

Umsjónarmaður: Gunnar Stefánsson

Snyrtilegt. Það finnst mér. Eins og að gera útvarpsþáttinn Íslendingasögur sem gerast að stærstum hluta í Haukadal í Dýrafirði og sleppa því sérstaklega að tala um Gísla sögu.

Uppfært 18. 10. 2005: Þetta var hinn skemmtilegasti þáttur, stórkostlegt að heyra Hannes Pétursson og Jóhannes úr Kötlum lesa ljóð eftir sig. Gamlar upptökur eiga mjög við mig. Umfjöllun um Halldór Laxness hefði fært þáttinn allan úr lagi, þannig að hann átti ekkert heima þarna. Gagnrýni mín átti því ekki rétt á sér.

Eiríksína

Haha, „Eiríksína Kr. Ásgrímsdóttir“ að lesa fréttir á Talstöðinni.

Útvarp

Ég var að fá mér nýjan síma, Sony Ericsson K700i, með myndavél og FM-útvarpi. Núna get ég mónitorað útsendingu Rásar 1 allan sólarhringinn, hvar sem er.

Misskilin samúð

Þetta fólk í Pakistan getur sjálfu sér um kennt, vegna þess að það kaus sjálft að búa í lélegum húsum á svæði sem vitað var fyrir að var jarðskjálftasvæði. Það gat komið sér burt og stofnað arðbært fyrirtæki og keypt sér betri hús á öruggara svæði, en það kaus að gera það ekki.

Það er sitthvað, stafrétt og véfrétt

Í dag fékk ég orðsendingu þar sem mér var tjáð að ég væri hundaskítur. Stuttu seinna barst mér símtal þar sem slíkri yfirmátahrifningu á mér var lýst að ég vissi það bara ekki. Allt gerðist þetta í sama herbergi í sama húsi.

Atli flettir ofan af íslenskum nútímabókmenntum II

Englar alheimsins eftir Einar Má Guðmundsson er stæling á One Flew Over the Cuckoo's Nest eftir Milos Forman, sem er einhver sterkasta mynd sem ég hef séð. Andlitssvipurinn á Nurse Ratched í lokin, maður.

Sinfóníuhljómsveit Íslands er besta sinfóníuhljómsveit á Íslandi.

Eftir að ég gerðist frönsku-philos uppgötvaði ég að Skugga-Baldur eftir Sjón er bara umritun á Pastoralsinfóníunni eftir André Gide.

Hólí krapp, í þessu sameinast um það bil allt sem ég hef áhuga á í lífinu. Það vantar bara: „Fyrirlesturinn verður fluttur í galsafengnum Monty-Python-stíl“ og þá væri þetta fullkomið.

Er ég einn um að finnast fleirtalan ?tölvupóstar í umræðu síðastliðinna daga svolítið hjákátleg? Er ekki orðið (-)póstur óteljanlegt? Er ekki smekklegri fleirtala af tölvupóstur — tölvubréf?

Þegar maður heldur að maður skúbbi þá skúbbar maður ekki.

Shakespeare, maður

Polonius:
Therefore, since brevity is the soul of wit
And tediousness the limb and outward flourishes,
I will be brief. Your noble son is mad.