fimmtudagur, desember 28, 2006

Svarthvítar heimildarmyndir

„Zu Lande, zu Wasser und in der Luft verteidigt der deutsche Soldat das Vaterland gegen den russischen Bolschewismus und den amerikanischen Imperialismus BIS ZUM LETZTEN ATEMZUG!!!!!!“

Út af þessu fór maður nú að læra þýsku í Garðaskóla, barnið. Og líka vegna þess að Töfraflautan var svo skemmtileg.

þriðjudagur, desember 26, 2006

Eydanir

Á dönsku Wikipediunni eru lesendur boðnir velkomnir á móðurtungunni og á öllum nýlendumálum Stór-Danmerkur.

mánudagur, desember 25, 2006

Málfar kirkjuleiðtoga

Á jólum halda kirkjuleiðtogar ávörp sem sýnd eru í sjónvarpi. Þetta fær mig til að álykta tvennt: Erkibiskupinn af Kantaraborg er mjög kokmæltur, mælir af gífurlegum klerkaþunga og ber s fram eins og örmjótt hátíðnihljóð, sem sumir Bretar gera. Þetta er sérstaklega áberandi hjá honum. Þá talar páfinn ítölsku með svo steríótýpískum og alltumlykjandi þýskum hreim að John Cleese gæti eiginlega gert þetta fyrir hann. Ég vil að hann syngi meira, og segi giorno í staðinn fyrir ciorno.

laugardagur, desember 23, 2006

Vénætur

Á eina hlið sitja tíu klukkustundir af jólakveðjum á segulbandsspólum. Á aðra Brandenborgarkonsertar efst í plötustafla. Allt er til reiðu. Veni, veni, Immanuel.

miðvikudagur, desember 20, 2006

Til Nigellu Lawson

Your television programmes go to show your womanly perfection. You are beautiful, you are sumptuous, I want you, touch me. You speak enticing English, sweet is your voice. I love you, Nigella. Be with me, always.
Nútímaþjóðfélagið II

Þegar „jafnréttislög“ eru brotin við stöðuveitingar á Íslandi (sem er oft) þá hugsa ég til þess hvernig hljóðfæraleikarar eru ráðnir til Metrópólítan-óperunnar í New York. Nafn, kyn, kynþáttur, trúarbrögð (og allt hitt sem er hægt að setja fyrir aftan „skal ekki vera mismunað á grundvelli [...]“) er þurrkað út og umsækjandinn látinn spila áheyrnarpróf fyrir aftan tjald. Það tryggir að hæfasti maðurinn sé ráðinn jafnvel þótt hann sé færeyskur gyðingakynskiptingsdvergur í hjólastól, augnalaus og með vatnsheila.

Þessi lausn er svo augljós að það er sárt. Þetta er einfalt: Mat á umsóknum fer fram án þess að menn viti nafn eða kyn þess sem sækir um. Málið leyst.

miðvikudagur, desember 13, 2006

Noregskonungurinn sem afsannaði Ragnheiði Briem

Getið þið ímyndað ykkur hvernig tilfinning það er fyrir skilyrtan MR-ing með þriðjabekkjarpróf í stafsetningu að komast að því á prófi í Háskóla Íslands að maður á að segja með Sigurði sýr en ekki með Sigurði sú?

þriðjudagur, desember 12, 2006

Nútímaþjóðfélagið

1) Erindi borið upp í síma.
2) Viðmælandi kveður það ekkert mál.
3) Viðmælandi biður um að fá sendan meil um málið.

Af hverju stafar liður 3)? Hver er tilgangur hans?
Má þetta á Íslandi?

Ég trúi ekki að ég sé að verða vitni að þessu. Það eru Íslendingar í umræðuþætti að ræða hápólitískt og viðkvæmt deilumál af yfirvegun. Þetta er þáttur frá 1984 þar sem þrír spekúlantar andmæla kenningum Miltons Friedmans við hann sjálfan. Íslendingarnir spyrja yfirvegaðra spurninga, hægt, virðulega og ígrundað. Friedman svarar af yfirvegun, hægt, virðulega og ígrundað. Þeir eru samt sem áður innilega ósammála. Þeir gætu reyndar varla verið meira ósammála.

Samt er enginn að reyna að yfirgnæfa annan, enginn grípur fram í, enginn öskrar. Það er röklegur þráður í þessum samræðum. Þetta er frábært. Móderatórinn, Bogi Ágústsson, heldur sér til hlés og stjórnar af skynsemi. Menn taki 60 sekúndur, hvaða 60 sekúndur sem er, úr þætti eins og Silfri Egils eða Kastljósinu til samanburðar. Settið er grátt teppi, svartur bakgrunnur og mahóní-stólar. Punktur. Glitz bannað. Þarna er spurt af viti og svarað af viti. Þátturinn er líka mjög langur, 70 mínútur, þannig að það er hægt að ræða mál djúpt og til enda. Svona eiga debatt-þættir að vera.

Ég vissi ekki að Íslendingar gætu þetta. Mig grunar nú samt að sú staðreynd að þeir þurfa að tala póleraða ensku í þættinum hægi á þeim umtalsvert. Ég legg til að Íslendingum verði hér eftir bannað að eiga í rökræðu nema á erlendu tungumáli. Það er í raun þjóðþrifaverkefni miðað við þetta að koma Paul F. Nikolov á þing og gera ensku að þingmáli. Er það ekki hægt?

mánudagur, desember 11, 2006

Það sem ég hugsa um stundum

Það er hægt að þekkja upptökur sem Útvarpið gerði fyrir 1987 mjög auðveldlega. Þær eru svolítið holar, það bergmálar í þeim, stúdíóið er mjög greinilegt. Skúlagata 4 var heldur ekki hönnuð sem útvarpshús heldur sem skrifstofuhúsnæði og svo voru notuð makeshift-stúdíó í 28 ár sem búin voru til úr skrifstofum með steinsteypuveggjum. Endurkast í hljóðnemann var því rosalegt. Einnig voru venjulegir gluggar á öllum stúdíóum og það kom fyrir að þegar stórir trukkar keyrðu eftir Sæbrautinni til og frá höfninni heyrðist dynurinn mjög vel í upptökunni.

Þetta breyttist allt þegar flutt var í sérhannað Útvarpshús árið 1987. Stúdíóin eru súspenderuð frá burðarvirki hússins og þess vegna heyrist ekki bofs inn þótt himinn og jörð séu að farast fyrir utan.

Það eru ekki gluggar í stúdíóunum í Efstaleiti og þess vegna er oft mjög vont loft þar, þungt og rykmettað, enda eru stúdóin klædd með hnausþykku filti, borðin sömuleiðis. Í öllum útvarpshúsum í Evrópu nema tveimur er það regla að opnanlegir (en vel hljóðeinangraðir) gluggar séu í hljóðstofum. Það er reyndar ekki heldur einn einasti gluggi á jarðhæð Útvarpshússins og þess vegna er oft ólíft þar vegna myrkurs. Þetta er vegna þess að gáfumennið sem hannaði Útvarpshúsið tók mið af höfuðstöðvum BBC í Belfast á Norður-Írlandi, en þar eru ekki gluggar á jarðhæð og úthliðum til þess að a) ekki sé hægt að henda mólótov-kokteilum inn eða b) keyra skriðdreka inn í húsið. Þessi maður gerði sér ekki grein fyrir því að hverfandi líkur eru á slíkri hættu á Íslandi.

En aftur að hljóðinu. Í Efstaleiti eru notaðir stefnuvirkir hljóðnemar. Stefnuvirkir hljóðnemar ná bestu hljóði ef það berst þeim frá litlu keilulaga svæði fyrir framan þá. Ef menn eru inni í þessari keilu þá er hljóðið gott, annars ekki. Efstaleitishljóðíð er því mjög þétt. Stúdíóið er hér um bil dautt að frádreginni þessari keilu og röddin er mjög vel mótuð. Þess vegna er auðvelt að greina á milli Skúlagötusándsins 1959-1987 og Efstaleitissándsins 1987-.

Það er samt eitt sem er sérstakt við Efstaleitissándið. Inni í öllum hljóðstofum eru venjulegar klukkur með sekúnduvísi sem eru allar tengdar við kanadíska atómklukku. Digitalklukkurnar eru líka tengdar þessari atómklukku. En sekúnduvísirinn á venjulegu klukkunum er mjög mishávær. Hann er sérstaklega hávær í stúdíó 5 og heyrist greinilega í öllum upptökum sem þar eru gerðar. Tikk, takk, tikk, takk, tikk, takk. Allar útvarpssögur eru teknar upp í stúdíó 5, og ef þið hlustið mjög vandlega á einn lestur útvarpssögu og gefið gaum að umhverfishljóðum hafið þið komist í tæri við einn máttarstólpann í Efstaleitissándinu.

sunnudagur, desember 10, 2006

Bókasöfn

Leigir maður bækur á bókasafni? Ég fæ bækur lánaðar á bókasafni.

laugardagur, desember 09, 2006

17:59:57

Á vaktatöflunni stendur að ég sé að vinna á aðfangadagskvöld. Það er bæði gott og slæmt, þrifsamlegt og óþrifsamlegt.

miðvikudagur, desember 06, 2006

Kvartanir berist til skrifstofu

„Æi já, sorrí, var enginn búinn að segja þér það? Það hefur bara gleymst að segja þér þegar þú varst skírður að skírnarsáttmálinn þvær burt erfðasyndina sem slíka en ekki refsinguna fyrir hana, þess vegna deyrðu þótt þú sért syndlaus sko. Nei, ég meina, ég samdi ekki þessar reglur.“
2. gr. - Það er ekki markmið Háskóla Íslands að stúdentar taki þátt í að skapa þekkingu og þess vegna leitast háskólinn við að reka þá af höndum sér, sjá 1. gr.

Aftur: Takk, Háskóli Íslands. Þú ert bestur.
1. gr. - Stúdentar eru heimsk og réttlaus fífl sem eyðileggja allt sem þeir koma nálægt

Um daginn fór ég í tvær háskólastofnanir að beiðast fyrirgreiðslu með hárri kurteisi. Í hvort tveggja skiptið var mér hafnað um viðkomandi fyrirgreiðslu með spurningunni hvernig mér dytti eiginlega í hug að biðja um viðkomandi fyrirgreiðslu. Takk fyrir, Háskóli Íslands.
Próf

Je' giddddddddddeeeeee' ikkkkkkkkkeeeeeeeeeee'. Jaaaaaaaaaa giddddddddddddddddddddddddddddd ikkkkkkkkkkkkkkkkk. Ja gidddddddddd sletikkkkkkkkkkkkkkkkkkkkk.

þriðjudagur, desember 05, 2006

Unun á að hlýða

Ég verð að lýsa þeirri skoðun minni að Þóra Tómasdóttir Kastlýsingur talar ógeðslega góða norsku. Pitch, núansar, retróflex, velarisasjón, tónfall. Þetta er allt þarna.