sunnudagur, nóvember 30, 2003

Ókúltíveraður bær, eða hvað?

Ég var í Barcelona 14. til 22. ágúst 2003. Núna kemur í ljós að fimmtánda alþjóðahljóðfræðingaþingið var haldið í sömu borg 3. til 9. ágúst 2003.

HORNGRÝTISANDSKOTANSHELVÍTISDJÖFULL!

mánudagur, nóvember 24, 2003

Nýjar mublur

Valdsmanna- og menningarbekknum 6.A varð undið til 3.A af frjálsu fullveldi sínu þar sem forlátaræðupúlt var upptækt gjört. Var það selflutt í I-stofu og komið upp á áberandi stað í stofunni þar sem nú stendur það. Ræðupúlt þetta er svo af guði gert að þar er plata hvar leggja má þungar og merkilegar bækur til stúdérínga er menn standa keikir við.

Tveir lærifeður nýttu sér vísdómsstatífið við umvandanir sínar: Helgi Ingólfsson sagnfræðingur og Kolbeinn Sæmundsson fornfræðingur (sem veit manna best hvað anabaptískir vilja upp á dekk).

Kolbeinn Sæmundsson fornfræðingur hafði kvartað sáran yfir skorti á slíku vísdómsstatífi við portner sem skellti við því skollaeyrum. Eftir hinar sértæku selflutningsaðgerðir stendur gripurinn nú í I-stofu, 6.A til ævarandi varðveislu og eignar, og mega halir allir heimstöð ryðja áður það flyst þaðan.

Nú vantar bara hokinn Þjóðverja skrýddan mikilli skikkju og stórri flauelshúfu með sturlunarglampa í augum, er stendur við vísdómsstatífið og les í þykkri og fornri skruddu, öskrandi:

„O sähst du, voller Mondenschein,
Zum letztenmal auf meine Pein,
Den ich so manche Mitternacht
An diesem Pult herangewacht:
Dann über Büchern und Papier,
Trübselger Freund, erschienst du mir!“

Sem útlegðist:

„Þú skyldir hinsta sinni sjá
sárustu kvalir mínar á,
máni, sem oft um óttuskeið
eftir við púltið mitt eg beið:
þá yfir bóka blöðum hér
birtist þú, angurvinur, mér!“

Til skóla„bræðra“ minna

Þér hafið ekki bitið úr nálinni með þær aðdróttanir sem að mér voru gerðar í fótknattleik fyrr í dag. Hafi hver gætur á sér og sínum næstu daga.

laugardagur, nóvember 15, 2003

Staðir

Neðst á forsíðu Fréttablaðsins í dag eru birtar myndir af tveimur söngkonum hlið við hlið, einni nýsjálenskri og annarri indversk-íslenskri.

Varð mér þá hugsað: Ja, það er sitthvað, Skálholt og Skítholt.

fimmtudagur, nóvember 13, 2003

En ekki hvað?

Ég held með Guðrið Hansen í Meistarasöngvurunum á morgun. Í kynningarinnslagi í haust söng hún Ólaf liljurós á færeysku við eigið gítarspil. Ef eitthvað er flottara en að syngja á grísku þá er það að syngja á færeysku. Eða sanskrít.

Mig minnir að þetta hafi hljóðað: „Ólafur rojð með bjorgúnum fram.“ Uuunaður.

föstudagur, nóvember 07, 2003

Blegh

Embættismannaferð eftir klukkutíma. Hlátur, hlátur. Sjáum hvað kemur út úr því.

mánudagur, nóvember 03, 2003

Ég er mjög ósáttur við Ædol-úrslitin. Ég vildi Evu Natölju, sæta guðfræðinginn, áfram. Þá hefði hún getað tekið einn léttan evangelíons-söng tó kata Markon í Smáralindinni.

Hvað hefði ekki verið sniðugt við það að næsta poppædol væri þeólóg?

En nei.