Die Kriegsflotte

Eins og ykkur er sjálfsagt kunnugt fórst bíllinn minn, Bundeswagen Deutschland, í október í fyrra í fremstu eldlínu. Blessuð sé minning hans (fjarlægur lúðrablástur). Ég hef ekið á nýja bílnum um göturnar síðan. Hann hefur nú hlotið nafnið Bundespanzerwagen Bremerhaven.

Ich wiederhole: Bundespanzerwagen Bremerhaven.

Sólrún Haarde

Krakkar mínir, það verður þref í smástund og svo Große Koalition.

Slavóvisjón

Þar til Íslendingum gefst leyfi til að senda Rangárvallasýslu og Húnavatnssýslur austur og vestur í Slavóvisjón eins og Júgóslavía gerir, þá legg ég til að við sleppum því að mæta í þessa aumkunarverðu keppni.

Ég er ekki kyrrstæður að horfa á verkamenn

Röskleg ganga á hlaupabretti verður bærilegri ef maður ímyndar sér að árið sé 1936/1945 og staðurinn Zeppelinfeld/Rauða torgið.

Lucia Celeste Molina Sierra

Það má viðurkenna það að tengdadóttir Jónínu Bjartmarz er falleg eins og alparós, hefur ógnunarfaktor á við hvítan kettling, talar íslensku með svo góðri hrynjandi og tónfalli að undrum sætir og hefur næma tilfinningu fyrir fallstjórn og setningaskipan í germönskum tungumálum, en ég verð samt að spyrja: Er ástæða til að veita henni ríkisborgararétt áður en pappírskvoðan í umsókninni þornaði í verksmiðjunni í Finnlandi á þeirri forsendu að hún nenni ekki að takast á við þá (lífshættulegu og ómannúðlegu) pappírsvinnu sem fylgir því að flytjast búferlum til Englands, verandi Gvatemali en ekki Íslendingur?

Takið eftir: Hún tók sérstaklega fram að málið væri knýjandi því það skapaði henni gríðarlegan vanda að fylla út einhver skýrslublöð á hálfs árs fresti.

HTML

Heimasíða kaþólsku kirkjunnar á Íslandi lítur út eins og hún hafi verið djúpfryst að eilífu árið 1996. Biskup Rómar hefur hins vegar efni á grafískum hönnuðum. Þrátt fyrir þetta er Kristskirkja í Landakoti æðst rómverskra kirkna á öllum Norðurlöndum í krafti stöðu sinnar sem basilica minor eða basilica pontifica, og er því norræn höfuðkirkja. Hvern hefði grunað það á septimi novembris morgni gráum?