Varhugargjöld: Í færslu þessari er málalyktum í myndaflokknum Lost lýst ítarlega

















































Hvers eigum við áhorfendur að gjalda? Þetta fannst mér snautlegur kliffhanger. Að láta þau sprengja upp hatsið loksins, og síðan lýkur fyrstu þáttaröðinni á einhverju pani niður stiga? Auk þess gerðist ekkert markvert í síðustu fjórum þáttunum. Ekki neitt. Og hvaða helvítis fólk er þetta sem virðist ráða þessari eyju? Og af hverju eru þau svona sólgin í börn? Og af hverju eru gömul þrælaskip föst uppi á landi þarna? Ohhhhhhhhhh. Djöfull.

Svona eiga menn að vera

From: Andrés Magnússon [mailto:Andres.Magnusson@vbl.is]
Sent: 29. maí 2005 18:19
To: Atli Freyr Steinþórsson
Subject: RE: Röng latína

Atli Freyr:

Þetta er hárrétt hjá þér og náttúrlega skandall að láta svona fara frá sér. Það verður varla að ég þori að fara heim til mín, þar sem ég kemst eiginlega ekki að húsinu mínu án þess að ganga fram hjá heimili Ragnheiðar Torfadóttur, sem vafalaust mun elta mig með strákúst á lofti út úr hverfinu. Mér er ljúf skylda að leiðrétta þetta í næsta pistli mínum og þakka ábendinguna.

Vale!
AM

Haha. Þetta þykja mér farsælar málalyktir.

Betur heima setið en af stað farið

Á föstudaginn eldaði ég lasagna í kvöldmatinn. Það var mjög gott.
Í gær eldaði ég músaka í kvöldmatinn. Það var ekki gott.
Í dag útbjó ég gazpacho í kvöldmatinn. Það var ógeðslegt.

Í öllum tilvikum fór ég eftir uppskriftinni. Músökuna eyðilagði tvennt: eggaldinin og kanillinn í lambahakkinu. Eggaldin eru ógeðsleg hrá, svona svampkennd og bragðlaus en soðin verða þau bara slepjuleg og bragðlaus. Að nota kanil með kjötvöru er eins og að kúka í rúm sitt. Slíkt gerir maður ekki. Enir hávu Hellenar eru ágætir en þeir kunna ekki að elda.

Ekki er jafnljóst hvað eyðilagði gazpacho-ið, en það er köld og vatnskennd tómatsúpa. Þó að bókstaf uppskriftarinnar hafi verið fylgt út í æsar bragðaðist afraksturinn og leit út eins og besta þynnkuæla. Meira að segja áferðin var svipuð. Ég hafði ekki geð í mér að klára úr skálinni.

Á morgun ætla ég að elda fiskigratín. Miðað við árangurskúrfuna verður það með öllu óætt. Miðað við litinn gæti það minnt á bleiuhægðir.

Sverð mitt er aldrei slíðrað

From: Atli Freyr Steinþórsson [atlif@isholf.is]
To: 'andres.magnusson@vbl.is'
Cc:
Subject: Röng latína

Ágæti Andrés.

Í Blaðinu í gær, 26. maí, slóstu um þig með latínu í pistli og skrifaðir „Qui custodiet ipsos custodes?“. Fyrsta orð þessarar setningar er rangt, þar sem ‘qui’ er tilvísunarfornafnið ‘sem’. Rétt væri setningin „Quis custodiet ipsos custodes?“, þar sem ‘quis’ er persónufornafnið ‘hver’. Vonast ég til að þessi villa verði leiðrétt í næsta pistli, þar sem vandvirkni er dyggð.

Kærar kveðjur
Atli Freyr Steinþórsson

Við þá sem eru primi motores í þessum Evrópusamruna öllum, hef ég eftirfarandi orð að segja um vitleysisganginn á þeim, á þeirra eigin málum, golfrönsku og djöflaþýsku, staðfært í hvort skipti með sterkari tilhöfðan að augnamiði


Déclaration d'un Baron sur la Constitution européenne

C’est la pire idée que j’ai jamais entendue. Oui, elle est complètement nulle. Une Europe amie, unie: oui, bien sûr; mais les États-Unis de l’Europe? Non.

Vive la République Française!
Votre, Atalle Baron de la Steenthorsen


Deklaration eines Freiherrn über die Europäische Verfassung

Das ist die schlimmste Idee, die ich je gehört habe. Ja, sie ist ganz und gar miserabel. Ein freundliches, vereinigtes Europa: ja, natürlich; aber die Vereinigten Staaten von Europa? Nein.

Es lebe die Bundesrepublik!
Ihr, Atle Freiherr von Steenthorsen

Allar?

Er linkað á allar færslur Frankss Arthurss Blöndahlss Cassatass á b2.is? Allar?

Bonsoir, Athène, voici le vote de l'Islande

Þú skalt passa þig, Ragnhildur Steinunn. Þú skalt bara passa þig. Að ári munt þú ekki lesa upp stigin í Júróvisjón í bláum brullubandakjól á stirðbusalegri ísl-ensku. Það gerir snyrtilegur herramaður í jakkafötum á Parísarfrönsku.

Ég var að ljúga, ég hringdi ekkert í lögguna. Ég vildi gá hvort lesendum fyndist það sósjalt akseptabelt að bregðast svo við. Sem þeim fannst greinilega ekki. Og hafi þeir skömm fyrir.

En næst þegar þessi hundur angrar mig, þá hringi ég. ÞÁ HRINGI ÉG!

Ég fór í göngutúr mér til hressingar áðan. Það virkaði ekki.

Hvað um það. Á göngustíg einum hljóp að mér hundur og hafði uppi ógnandi tilburði. Mér er illa við ógnandi hunda. Ég stóð bara kyrr og horfði á hann, en fór síðan að æpa á hann þegar hann var farinn að flensa í mig. Þá ákvað ég að nenna þessu ekki lengur og labbaði í hina áttina. Síðan fór hundurinn inn í ákveðið hús.

Við skulum grípa niður í lögreglusamþykkt:

9. gr.
Hundur skal ávallt vera í taumi á svæðum þar sem umferð ökutækja eða gangandi fólks er almenn [...]

10. gr.
Hundeiganda eða umráðamanni hunds er skylt að sjá til þess að hundur hans valdi ekki hættu, óþægindum, óþrifnaði eða að hann raski ekki ró manna með stöðugu eða ítrekuðu gelti eða ýlfri. [...]

11. gr.
Hafi eigandi ástæðu til að ætla að hundur hans sé grimmur eða varasamur skal hann sjá til þess að hundur hans sé ávallt mýldur utan heimilis síns. Hafi hundur bitið mann og/eða er hættulegur getur eftirlitsaðili, tjónþoli eða forráðamaður hans krafist þess að hundurinn verði aflífaður. [...]

Það er skýr réttur minn að vera ekki ónáðaður af illvígum hundum á almannafæri. Þess vegna hringdi ég í lögregluna og benti henni á að húsráðandi í Norðurtúni 26 hefði brotið gróflega samþykkt þessa. Hafa átti samband við mig seinna vegna málsins.

Vonandi fæ ég að aflífa hundinn sjálfur með berum höndum. Ég ætla að snúa hann úr hálsliðnum fyrst, en síðan saxa útlimi hans af, einn af öðrum. Síðan ætla ég að stefna húsráðanda fyrir að hafa valdið mér sálartjóni. Ég líð ekki svona.

Ég er að læra undir próf eins og ráða má en fann fyrir þörf til að blogga eftirfarandi hugsun:

Ég bý í mjög díversu þjóðfélagi. Við erum 300.000 talsins, en ég fékk samt skyndilega mjög sterka tilfinningu fyrir því að hér rúmist allt. Bæði ríkir bankastjórar í húsi með sundlaug, brotnar skeiðar einhvers staðar á Holtavörðuheiði, óhamingjusamt skáld í herbergi undir súð sem líður mjög illa hægra megin í baki og unglingsstelpa á Egilsstöðum sem er með ánægjublossa undir bringspölunum eftir að hafa staðið sig vel í atvinnuviðtali.

Á móti kemur að mér finnst að þjóðfélag á borð við Lúxembúrg sé ekki jafndíverst, en það rúmar aðeins ömurleikann. Þá staðreynd mun ég hins vegar viðra í öðru formi á öðrum stað á öðrum tíma.

Og svo ég gjaldfelli mig aðeins eftir hástemmdar færslur síðustu daga: Yrði það almennt séð samfélagsleg stigma á mér ef ég færi að taka amfetamín til að vera betur upplagður í prófum? Og morfín þess á milli? Morfín er sko góður skítur, skal ég segja ykkur.

Académie française

Franska akademían er stórfengleg stofnun. Þar funda gamlir menn í barokkhöllum ífærðir herforingjamúnderingum með korða og fjaðurhatt og samþykkja pirringslegar ályktanir gegn heimskulegu málfari og enskuslettum.

Dæmi: öldungasamkundan bannaði Sjökkum og Sjonmaríum þessa heims að segja e-mail á dögunum, en bauð þeim að segja courriel í þess stað; myndað af courrier électronique (fr. ‘rafbréf’).

Laxnessjálkurinn fabúleraði um það í gamla daga að „akademía íslensk væri í túngutaki alþýðu“. Þetta er alrángt hjá honum. Akademíu íslenska ætti að stofna þegar í stað, hætta að klæmast með einhverja helvítis „málnefnd“ og setja bara á stofn almennilegt lærdómslistafélag og gera brot á ályktunum þess refsiverð í hegningarlögum!

Ég krefst þess að Landspítalinn verði teppa- og mahónílagður í hólf og gólf, hann flúraður aðeins að utan og loks gefinn undir starfsemi Akademíunnar um aldir alda. Ég býðst til að gegna embætti fyrsta aðalritara um ævi minnar daga. Ég vil líka fá flotta búninga.

Ef við miðum okkur við Frönsku akademíuna, þá eru 39 sæti laus. Hverjir eru memm?

Sovétið



Öreigi festir sovétfánann á rjáfur Ríkisþinghússins í Berlín. Ömurlegar rústir Berlínar sjást í bakgrunni.

(Stemmningstónlist til að fylgja færslunni er að finna hér. Finnið þið ekki skriðdrekadrunurnar og klass-klass-klass-fótatakið í þessu? Frábært!)

Í dag var haldið upp á 60 ára ártíð Þriðja ríkisins með eins kommúnískri hersýningu og hugsast getur á Rauða torginu. Það sem var einna skemmtilegast við þann atburð var að sjá forseta Bandaríkjanna skælbrosandi hjá grafhýsi Leníns að veifa hermönnum með rauða fána og Stalínsmyndir. Svona eins og að sjá meðlim í ritstjórn Vantrúar lifa sig inn í messu.

Annars eru sovéskar hersýningar mjög skemmtilegar. Austurevrópska marseringarafbrigðið er þannig að menn reisa fót í allt að því níutíu gráðu horn og stappa tiltölulega harkalega niður um leið og þeir sveigja handlegg úr hinni áttinni með krepptan hnefa yfir maga. Þetta afbrigði kemur upphaflega frá Rússlandi en náði fagurfræðilegri fullkomnun í Austur-Þýskalandi eins og sjá má í kvikmyndinni Goodbye Lenin.

Austurevrópska mílítarismamódelið tekur einnig til buxna sem virðast mjókka nokkuð niður fyrir neðan hné. Einnig má minnast á sovésk/rússnesk kaskeiti, sem eru iðulega alveg fáránlega stór í alþjóðlegum samanburði. Auk þess virðast allir hermenn í Rússlandi bæði fyrr og nú vera prýddir milljón og einni orðu. Drýgja þeir almennt fleiri afrek en vestrænir hermenn?

Það sem ég saknaði þó í dag voru eldflaugapallarnir sem voru iðulega skemmtileg sjón á Rauða torginu í denn.

The Hitchhiker's Guide to the Galaxy

Mér fannst þessi mynd óttalega mikið undir pari og varla fyndin. Sniðug í besta falli. Mér fannst meira að segja Stephen Fry ófyndinn sem narrator og Alan Rickman í einhverju óstuði sem Marvin.

Útvarpsþættirnir frá BBC voru miklu betri.

Mér finnst mjög gaman að horfa á Gérard Lemarquis í sjónvarpi. Hann er holdtekja alls þess sem franskt er. Svo eru hendurnar á honum aldrei inni í rammanum.

Úúú, ég sé í blaðinu að Arthúr Björgvin Bollason var með fyrsta útvarpsþátt af fjórum í morgun um Schiller. Guði sé lof fyrir vefupptökurnar. Ef hann fer með einhverja tilvitnun á þýsku þá líður að öllum líkindum yfir mig.

Abraham gat Ísak, Ísak gat Jakob, Jakob gat Júdam og bræður hans

Við skulum heimfæra þetta upp á tónlistarsöguna:

Haydn kenndi Beethoven, sem kenndi Czerny, sem kenndi Leszetycki [lesjetitskí], sem kenndi Paderewski, sem kenndi Rubinstein, sem kenndi Schein, sem kenndi Björgu.

Til hamingju, Björg!

Ég sé á teljaranum að ég fæ óeðlilega margar heimsóknir frá kaffibrennslan.xdsl.is, en þeir sem þaðan heimsækja mína síðu skulu bara fá að vita það að ég kæri mig ekkert um heimsóknir einhvers helvítis kaffihúsalýðs onúr háskóla, takk FYRIR!

Ritstífla

Ég er gjörsamlega. Að. Fríka. Út.

Samhengið í útlenskum bókmenntum

John Stuart Mill

ton Friedman.

Ég er [kommónisti]

Ég var að hlusta á útvarpið í dag og datt inn á útifundinn á Ingólfstorgi. Þegar allir sungu Nallann við undirleik lúðrasveitar hlýnaði mér um hjartaræturnar.

Will you sign my yearbook?

Í 10. bekk í Garðaskóla var búin til árbók að ammriskum hæ-skúl-hætti. Vandað rit rauðleðurbundið í harðspjöld með skólans gullna menntamerki sanserað á kápu. Mynd af öllum hjá sjálfvöldu mottói og svo nokkrar línur fyrir neðan sem ætlast var til að sá fótógraferaði áritaði með einhverjum hætti í bók annars manns.

Lenska var það að biðja alla að árita: pervisna strákinn sem maður hafði kannski yrt einu sinni á í leikfimi í áttunda bekk, strákinn sem maður lenti einu sinni í slag við í níunda bekk, besta vin manns, og versta óvin sinn fyrir kennsluhlé í tíunda bekk.

Dæmi um áritanir í bókinni minni (stafréttar að sjálfsögðu):

Hæ, hæ Atli! Takk fyrir öll árin í G.G og Vorferðina Lofaðu að bregða mér aldrei svona aftur Bjarta framtíð A
[Engin hætta á því, A, þar sem ég hef aldrei hitt þig síðan.]

Takk fyrir 4 ár í Helvíti takk sjáumst B
[Þess má geta að B er með úfið hár og sinnislaus augu á mynd.]

Fullt af kóreskum táknum sem ég skil ekki en gætu sagt hvað sem er. T.d. „Þú ert banani.“

Jæja Atli nú er skólinn bara búinn Þá er bara að djamma ærlega í sumar Farðu vel með þig C
[Ég djammaði ekki það sumar, fröken stofnanamatur.]

Takk fyrir veturinn. Haltu áfram að vera fyndinn en passaðu þig ef maður lærir of mikið þá verður maðu “klikk”. Þú ert á hættumörkum
[Ég veit.]

Blessaður Atli! Takk fyrir samveruna í GG og það var ýkt gaman að kynnast þér betur á Laugarvatni! By the way, takk fyrir fræðsluna um "saurgerlana"!!
[Það var ekkert. Ég man mjög vel eftir þessu, í vorferðinni var ég með saurgerla í sundlaugum á heilanum og hættuna sem af þeim stafaði. Kvað svo rammt að þessu að um mig safnaðist hópur lærisveina sem hlustaði á þetta ófagnaðarerindi.]

Elsku Atli! Takk fyrir árin í G.G. og þýskutímana. Bjarta framtíð, I will miss you … Sjáumst D
[Nú, söngstu Ást til mín? Var ég ökuþórinn á rauða Ferrarínum?]

Kæri Atli … ! Takk fyrir árin í Garðaskóla. Það var gaman að fylgjast með rökræðunum við E. Gangi þér vel, bjarta framtíð, F.
[Mér til mikillar undrunar komst ég að því að F hefur ritstýrt gefinsblaði fyrir stelpur um alllanga hríð. Allir að meika það nema ég.]

Elsku Atli! Takk fyrir árin í GG. Vonandi gengur þér allt í haginn! Sjáumst á djamminu í sumar!
[Uuu, nei. Untermensch.]

Elsku Atli minn! Takk fyrir arin í G.G. Ef þú heldur áfram þessum stærðfræðibókfærslugúrústælum þá munt þú meika’ða feitt í MR! G
[Hahahahahahahahahahahaha. Hahahahahahahahaha. Einmitt í þessum greinum.]

Já, takk fyrir samveruna í Garðask. Gangi þér vel í framtíðinni og í öllu sem þú tekur þér fyrir hendur! Þú átt framtíðina fyrir þér í hverju sem er … Bjarta framtíð! H
[Hverju sem er? Viltu ráða mig í stúlknasveitina þína? Ég get líka verið siðgæðisvörður þín og hins aldna kærasta þíns sem ég las um í DV.]

Hey Atli – 3. ríkið mun koma. En allavega, nýttu hæfileika þína í náminu til þess að verða ríkur í framtíðinni. Gangi þér vel við það og takk fyrir árin í GG. Skemmtu þér í sumar og MR.
[Ég kaus þig ekki í Idolinu.]

Kæri Atli! Húmoristi að guðs náð þó svo að það sé ekki nema örfáir sem ná húmornum (og því miður er ég ekki þar á meða) Bið annars að heilsa Steinunni og hafðu bjarta framtíð – I
[Nei, nei. Ég er ekki allra. Gott samt hjá henni að viðurkenna þessa staðreynd, þar eð ég minnist þess aldrei að hafa eytt orði á I. Nokkurn tíma. Og hver í andskotanum er Steinunn?]

Halló Atli! Ég þekki þig ekki mikið, en gangi þér vel í framtíðinni, J
[Flott, eini sem þorir að segja hlutina eins og þeir eru.]

Kæri Atli!! Þá er komið að kveðjustund en ég bíð bara spennt eftir að sjá þig í sjónvarpinu einhvern tímann að mótmæla e-u. Sjáumst!!
[Ha? Enn fremur, óþekkta manneskja: Var kveðjustund okkar átakanleg?]

Hæ hæ Atli! Ég þakka þér fyrir árin í GG! Svo vil ég spurja þig er eitthvað sem þú veist ekk? Gangi þér vel í lífinu! K
[Ég veit að spyrja er með ypsiloni, það er i í endanum á ekki og beinar spurnarsetningar koma í kjölfar tvípunkts.]

Hallo! Atli Takk fyrir árin í GG. Gangi þér sem allra brest [haha] í framtíðinni. Þér á örugglega eftir að ganga vel í MR. Bjarta framtíð
[Mér gekk þó aldrei svo vel að komast framan á símaskafkort úti um allar trissur. Hjá bresta símafyrirtækinu.]

Atli! Takk fyrir allt (sem er nú soldið lítið) en þú ert skondinn náungi! L
[Annar ærlegur fýr.]

Gubb var að prumpa drullu yfir gula gangbraut þegar brauðristin tók bíbí og setti á hann auka rörbúnað.
[Þessi maður fór í Versló. Ljóðabók eftir hann er væntanleg á vegum Nýhil.]